ព្រះសង្ឃសង្ហា ធ្វើឲ្យញាតិញោមនាំគ្នា ទិញសំបុត្រស្ដាបធម៌ ភ្លូកទឹកភ្លូកដី

កូរ៉េខាងត្បូង៖ កាលពីថ្មីៗនេះ មានសារព័ត៌មានពីកូរ៉េ បានចុះផ្សាយអំពី ព្រះសង្ឃមួយអង្គ ដែលមានឥទ្ធិពល ទាក់ទាញភ្ញៀវទេសចរណ៍រាប់ពាន់នាក់ឲ្យទិញសំបុត្រចូលលេង ស្ដាប់ធម៌ និងបានទស្សនាកម្សាន្តក្នុងប្រាសាទមួយនៃប្រទេសកូរ៉េខាងត្បូង។

មិនតែប៉ុណ្ណោះ ប្រាសាទ Hwaeomsa ដែលមានទីតាំងនៅលើភ្នំ Jirisan ខេត្ត Jeolla នៃប្រទេសកូរ៉េខាងត្បូង បានបើកឲ្យភ្ញៀវទេសចរចូលលេងកម្សាន្តបានទាំងយប់ទាំងថ្ងៃ ដើម្បីបម្រើតម្រូវការដល់ទេសចរដ៏ច្រើនសន្ធឹកសន្ធាប់ ដែលមានបំណងទៅស្ដាប់ធម៌របស់ព្រះសង្ឃដ៏សង្ហាមួយអង្គ។

យោងតាមប្រភពបានឱ្យដឹងថា ព្រះសង្ឃវ័យក្មេងមួយអង្គ ដែលមានរូបសង្ហាបានមកបដិបត្តិធម៌ ត្រូវបានគេដាក់ឈ្មោះថា «ព្រះសង្ឃស្រស់ស្អាតដូចផ្កា»។​ លើសពីនោះ សំបុត្រសម្រាប់ដំណើរកម្សាន្តទៅកាន់ប្រាសាទ Hwaeomsa ក៏បានបើកឱកាសឱ្យភ្ញៀវទេសចរមានពេលផឹកតែជាមួយព្រះសង្ឃ។

ជាពិសេស បានស្តាប់ការណែនាំរបស់ព្រះសង្ឃ Master Beomjeong ដែលមិនត្រឹមតែមានរូបរាងដ៏គួរឱ្យទាក់ទាញ ប៉ុន្តែថែមទាំងចេះកំប្លែង និង មានចំណេះដឹងផ្នែកទស្សនវិជ្ជាថែមទៀតផង៕

ប្រភព៖ Internet