លីវ ជីលី បោះពាក្យសម្ដី សមត្ថភាព មិនឈ្នះទឹកលុយ ក្រោយមិនទទួលជ័យលាភី Miss Supranational 2023

ភ្នំពេញ៖ ក្រោយជាប់ជាម្ចាស់ជ័យលាភីក្នុងកម្មវិធី Miss Supranational Cambodia 2023 កញ្ញា លីវ ជីលី ក៏បានធ្វើដំណើរចេញទៅប្រកួតលើឆាកអន្តរជាតិនៅឯប្រទេសប៉ូឡូញ។ ពិតណាស់ បវរកញ្ញារូបនេះពិតជាមានភាពជឿជាក់ និងការតាំងចិត្តតែម្ដង ស្របពេលចូលរួមប្រកួតលើឆាកអន្តរជាតិដូច្នេះ។

លើសពីនេះទៅទៀត គេដឹងថាកញ្ញា លីវ ជីលី មិនបានជាប់ក្នុងTop24ឡើយ តែទោះបីជាយ៉ាងណា នាងក៏ទទួលយកនូវលទ្ធផលមួយនេះ ព្រោះថានាងបានខិតខំអស់ពីកម្លាំងកាយចិត្ត។ ក្នុងនោះដែរ គេដឹងថានាងទើបតែប្រឡប់មកដល់ប្រទេសកម្ពុជាវិញដោយសុវត្ថិភាពផងដែរ។ 

មួយវិញទៀត ស្របពេលបញ្ចប់ការប្រកួតលើឆាក Miss Supranational 2023 ហើយបានមកដល់ប្រទេសកម្ពុជា កញ្ញា លីវ ជីលី បានបង្ហោះសារមួយនិយាយរៀបរាប់ពីអារម្មណ៍ខ្លួនថា «ខ្ញុំយល់អំពីវិស័យបរវកញ្ញាកាន់តែច្បាស់នៅពេលនេះ អ្នកយល់លើកដៃ អ្នកឆ្ងល់អាចសួរខ្ញុំបាន ឯងខំតស៊ូចង់ងាប់ចង់រស់ ហើយនេះក៏ជាលើកចុងក្រោយផងដែរស្បថយាយមែន»។ លើសពីនេះទៅទៀត បវរកញ្ញារូបនេះក៏បានបន្តនិយាយតបក្នុង Comment ជាមួយហ្វេនខ្លួនបន្ថែមថា «តាមហ្នឹងទៅបង សមត្ថភាពមិនឈ្នះទឹកលុយទេ»៕