កម្សាន្ត៖ ប្រិយមិត្តច្បាស់ជាបានដឹងហើយថា មួយរយៈនេះ តារាសម្ដែង ស៉ីន យូប៊ីន កំពុងតែមានបញ្ហារជាមួយនឹងជើងរបស់នាង ដែលខ្លួនដើរមិនរួច ទាល់តែប្រើឈើច្រត់ជំនួយ។ 

បើទោះជាខ្លួនឈឺក៏ដោយ យូប៊ីន នៅតែទៅបំពេញការងារដល់ក្រៅប្រទេសទាំងប្រើឈើច្រត់ដើរ ដូចដែលយើងឃើញរូបភាពកាលពីកន្លងទៅ។ លើសពីនោះ បើយើងឃើញសកម្មភាព ក៏ដូចជាជីវិតក្រៅឆាក ទើបដឹងថា យូប៊ីន ទ្រាំទ្រឈឺលំបាកជាងអ្វីដែលយើងឃើញក្នុងបណ្ដាញសង្គមទៅទៀត។

ជាមួយគ្នានោះ នៅក្នុងវីដេអូមួយ កំពុងតែទទួលបានការចាប់អារម្មណ៍ជាខ្លាំង ដោយគេឃើញ លោក វ៉ៃ ហាំង ដែលជាគូស្នេហ៍ និងជាដៃគូរួមអាជីពផងនោះ មកតាមមើលថែ យកចិត្តទុកដាក់លើ យូប៊ីន ក្នុងគ្រាលំបាក។ 

តាមរយៈវីដេអូនេះផងដែរ លោក វ៉ៃ ហាំង បានបំពេញតួនាទីយ៉ាងល្អ នៅក្បែរ និង មើលថែមិត្តស្រីយ៉ាងដិតដល់ មានទាំងបញ្ចុកអាហារ ពាក់ស្បែកជើងឲ្យ និង ទង្វើល្អៗច្រើនទៀត ដែលធ្វើឲ្យនារីគ្រប់រូបប្រាថ្នាចង់បានមិត្តប្រុសល្អដូចរូបលោក៕

សូមទស្សនាវីដេអូតាមរយៈលីងខាងក្រោម៖