មកស្គាល់កិត្តិនាមរបស់ អ្នកតាទាំង១០ ដែលល្បីល្បាញស័ក្ដិសិទ្ធិ នៅក្នុងស្រុកខ្មែរ

យល់ដឹង៖ នៅប្រទេសកម្ពុជា ជាប្រទេសមួយដែលមាន វប្បធម៌ អរិយធម៌ សាសនា​ ប្រពៃណី និងជំនឿខ្លាំងជាងគេតែម្ដង ព្រោះនៅក្នុងប្រទេសកម្ពុជា ប្រជាជនខ្មែរស្ទើតែ១០០ភាគរយហើយ ដែលមានជំនឿ និងការគោរពផ្សេងៗគ្នា គ្រប់ស្រទាប់វណ្ណៈទាំងអស់គឺតែងមានជំនឿរាងៗខ្លួនផងដែរ។

ជាការពិណាស់​ នៅក្នុងប្រទេសកម្ពុជា នៅតាមខេត្តនីមួយៗតែងមាន រូបតំណាង និងអ្នកតាដែលមានកិត្តិនាម ល្បីល្បាញ​ ស័ក្ដសិទ្ធិ នៅក្នុងតំបន់ខេត្តនោះតែម្ដង ដែលប្រជាជនខ្មែរ មិនថាស្រទាប់វណ្ណៈណានោះទេ ឲ្យតែទៅដល់ទីកន្លែងរបស់អ្នកតាទាំងនោះ ត្រូវតែចុះទៅធ្វើការគោរពបូជា​ បែរបន់ឲ្យរកទទួលទានមានបាន សុំសេចក្ដីសុខ សុវត្ថភាព មិនដែលរំលងជាដើម។ ដូច្នេះ មកស្គាល់អ្នកតាមទាំង អង្គដែលល្បីល្បាញ ស័ក្ដសិទ្ធិបំផុត​ នៅក្នុងប្រទេសកម្ពុជា​៖

1.    អ្នកតាឃ្លាំងមឿង៖ អ្នកតាឃ្លាំងមឿងជា វិរៈបុរសរបស់ខ្មែរយើងម្នាក់​ ដែលលោកបានពលីកម្ម ក៏ដូចជាលះបង់ជីវិតរបស់លោក ដើម្បីទៅកេណ្ឌទ័ពខ្មោច​មកចម្បាំង ជាមួយទ័ពសៀមនឹងទទួលបានជ័យជំនះផងដែរ ហើយទីតាំងរបស់លោកតាស្ថិតនៅក្នុង ខេត្តពោធិ៍សាត់ ហើយកន្លែងរបស់គាត់គឺពិតជាសាកសិទ្ធិខ្លាំងមែនទែន ក្នុងការទៅបន់ស្រន់សុំឡើងតំណែង​ ឬសុំសេចក្ដីសុខ សប្បាយអីជាដើម។

2.     អ្នកតាក្រហមក៖ ត្រូវបានប្រជាជនខ្មែរយើងទាំងមូល ល្បីរន្ធឺអំពីកិត្តិនាមរបស់លោកតា ដែលកន្លែងរបស់លោកតា មានទីតាំងស្ថិតនៅភ្នំសន្ទុក ហើយបើទៅបន់ស្រន់ដើម្បីឲ្យគេសងលុយ ឲ្យអ្នកដីដាច់ ឬក៏ទៅដណ្ដឹងកូនស្រីគេជាដើម​ និងបានសមដូចបំណង។

3.    ទួលអស់លោក ឬទួលបារាយណ៍អណ្ដែត៖ គឺមានទីតាំងនៅក្នុងខេត្តព្រៃវែង និងជាកន្លែងដែលសម្បូរទៅដោយទីសក្ការៈបូជា ក៏ដូចជាមានអ្នកតាជាច្រើន ដែលបានដាក់ឲ្យប្រជាជនគោរពបូជានៅក្នុងតំបន់នោះ ហើយនៅកន្លែនោះទៀតសោត​​ពិតជាល្បីខ្លាំង​ណាស់ ក្នុងការសុំឡើងតំណែង និងសុំសេចក្ដីសុខជាដើម។

4.    រូងពស់ត្បាល់ នៅវត្តត្រឡែងកែង៖ វត្តត្រឡែងកែងនេះ គឺស្ថិតនៅក្នុងស្រុកលង្វែក ខេត្តកំពង់ឆ្នាំង និងជាប្រវត្តិសាស្រ្ដមួយដ៏ជូរជត់ ដែលបានចាញ់បោកពួកសៀមបាចប្រាក់ដួង ធ្វើឲ្យប្រជាជនខ្មែរកាប់ដើមឬស្សីដើម្បីប្រមូលប្រាក់ដួង ហើយនៅក្នុងវត្តនោះគឺមានរូងមួយកន្លែង គេល្បីថា​ជារូងពស់ត្បាល់ និងជារូងមួយស័ក្កសិទ្ធិ អាចសុំពរអ្វីៗបានដូចបំណងប្រាថ្ញា។ មួយវិញទៀត រូងនោះត្រូវព្រះចៅអធិការបាននិយាយថា រូងពស់ត្បាល់នេះមានចម្ងាយពី វត្តត្រឡែងកែងធ្លាយទៅដល់ភ្នំបាសិទ្ធឯណ្ណោះ។

5.    លោកតាដំបងគ្រញូង៖ ប្រជាជនខ្មែររូបណាក៏បានស្គាល់ដែរ លោកមានទីតាំងស្ថិតនៅចំកណ្ដាល ខេត្តបាត់ដំបង និងជាលោកតាថែរក្សាតំណាងប្រចាំខេត្តបាត់ដំបងនោះតែម្ដង ឲ្យតែប្រជាជនគ្រប់រូបធ្វើដំណើរទៅទីនោះពីទីជិត ឬទីឆ្ងាយតែងតែមកបន់ស្រន ឲ្យលោកតាបានជួយសម្រេចក្ដីបំណងជាដើម។

6.    លោកយាយម៉ៅ៖ ទីតាំងរបស់លោកយាយម៉ៅ មានទីតាំងស្ថិតនៅខាងទិសនិរតី ពេជ្រនិល គឺលោកយាយមានតួនាទីថែរក្សា ការពារប្រជាជនរបស់យើងឲ្យសុខសប្បាយ និងមានរូបសំណាក់របស់លោកយាយជាច្រើនកន្លែងទុកជាកន្លែងទីសក្ករៈ ឲ្យប្រជាជនគោរពបូជាផងដែរ និងកន្លែងរបស់លោកយាយគឺពិតជាស័ក្កសិទ្ធិខ្លាំងមែនទែន។

7.    លោកយាយពេញ៖ ប្រជាជនគ្រប់រូបប្រាកដជាបានស្គាល់យ៉ាងច្បាស់ អំពីកិត្តិនាមរបស់លោកយាយ អាចនិយាយបានថា លោកយាយគឺជាស្ថាបនិកនៃទីក្រុងភ្នំពេញ ហើយឈ្មោះទីក្រុងរបស់យើង គឺយកឈ្មោះតាមលោកយាយពេញ ដែលទីតាំងរបស់លោកយាយមានទីតាំងស្ថិត​នៅលើ​ វត្តភ្នំ ដែលប្រជាជនភាគច្រើនបានទៅធ្វើការបន់ស្រន់ សុំពរជ័យផ្សេង។

8.    លោកតាស្រស់ នៅភ្នំដោះក្រមុំ៖ មានទីតាំងស្ថិតនៅក្នុងខេត្ត មណ្ឌលគិរី និងមានមនុស្សជាច្រើនពិតជាបានស្គាល់ពីកិត្តិនាមរបស់លោកតាស្រស់រួចមកហើយ​ នៅឯភ្នំដោះក្រមុំ ដែលជាភ្នំមួយជាទីសក្ការៈដ៏ស័ក្ដសិទ្ធិ សម្រាប់ប្រជាជននៅក្នុងតំបន់នោះ ដើម្បីទៅបន់ស្រនសុំសេចក្ដីសុខផ្សេងៗ។

9.    ភ្នំយ៉ាត៖ ភ្នំយ៉ាតនេះមានទីតាំងស្ថិតនៅឯ ខេត្តប៉ៃលិន ដែលមានរូបសំណាក់របស់លោកយាយយ៉ាត ទុកជាគោរពទីសក្ការៈបូជា ហើយភ្នំនោះគឺពិតជាស័ក្ដសិទ្ធិខ្លាំងមែនទែន ក្នុងការទៅបន់ស្រន សុំឲ្យឡើងដំណែង, សេចក្ដីសុខ, ឬក៏សុំឲ្យគេស្រឡាញ់ជាដើម។

10.  ព្រះអង្គចេក ព្រះអង្គចម និងលោកយាយទេព៖ ពិតជាមានប្រជាជនមួយចំនួនធំ​ ប្រាកដជាបានស្គាល់ពីកិត្តិនាមរបស់ព្រះអង្គចេក​ ព្រះអង្គចម និងលោកយាយទេពរួចមកហើយ ដែលមានទីតាំងស្ថិតនៅ ខេត្តសៀមរាប គឺគេមិនដែលរំលងកន្លែងទីសក្ការៈមួយកន្លែងនេះទេ គឺត្រូវតែចូលទៅអុចដូបបន់ស្រន សុំសុខពីលោកតា និងលោកយាយ និងប្រជាជនពិតជាមានជំនឿខ្លាំងមែនទែន ចំពោះព្រះអង្គ និងលោកយាយ ដើម្បីឲ្យលោកជួយឲ្យសម្រេចការងារ ក៏ដូចជាភារកិច្ចធំផ្សេងបានជោគជ័យផងដែរ។​​