ភ្នំពេញ៖ ប្រិយមិត្តដែលនិយមលេងបណ្ដាញសង្គម មិនថាហ្វេសប៊ុក ឬTikTok គឺច្បាស់ជាស្គាល់អ្នកនាង យូរ៉ា។ ដោយបច្ចុប្បន្ននាង ទទួលបានការចាប់អារម្មណ៍ខ្លាំង តាមរយៈការLive និងវីដេអូ និយាយស្ដីមានភាពកំប្លុកកំប្លែង ធ្វើឲ្យមហាជនសើចសប្បាយក្អាកក្អាយស្ទើរគ្រប់ៗគ្នាតែម្ដង។ 

លើសពីនេះទៅទៀត គេដឹងថា អ្នកនាង យូរ៉ា ក៏ជាអ្នកលក់ផលិតផលថែរក្សាសម្រស់ម្នាក់ដែលទទួលបានភាពជោគជ័យផងដែរ។ ហើយរូបសម្រស់តារាTikTokរូបនេះ ក៏ស្រស់សោភា មានភាពទាក់ទាញមិនចាញ់ក្រមុំឡើយ ទោះបីនាងមានកូន៣ពិតមែន។ ម្យ៉ាងស្បែកខ្លួន និងស្បែកមុខគឺភ្លឺរលោង មានសំណើមសឹងស្រមោចវារជ្រុះ។ 

ជាមួយគ្នានេះដែរ ថ្មីៗនេះ អ្នកនាង យូរ៉ា បានធ្វើឲ្យអ្នកគាំទ្រភ្ញាក់ផ្អើលមិនស្ទើរនោះទេ ខណៈទើបសម្រាលកូន ប៉ុន្តែនាងបានទៅកែសម្ផស្ស ផ្លាស់ប្ដូរសម្រស់ ដើម្បីបង្កើនសម្រស់ក្មេងស្អាតជាងមុន ហើយពេលនេះជិតជាមួយរយភាគរយ។ ក្រោយមុខជិតជា គេសង្កេតឃើញសម្រស់នាងប្រែប្រួលប្លែកជាមុនខ្លាំង រហូតហ្វេនពោលពាក្យសរសើរគ្រប់ៗគ្នា៕ 

សូមទស្សនារូបភាពខាងក្រោម៖