កម្សាន្ដ៖ ប្រិយមិត្តមួយចំនួនពិតជានៅចាំ តារាចម្រៀងខ្មែរសុរិន្ទ គឺលោក ឃុង ឃុយ តារាចម្រៀងប្រុសសម្លេងធ្ងន់ រដឺន ភាគច្រើនលោកច្រៀងតែប្រភេទបទកន្រ្ទឹម សម្រាប់រូបសម្បត្តិរបស់លោកវិញគឺស្រស់សង្ហា សម្បុរស្រអែម ទម្រង់មុខមានប្រជាប្រិយ ហើយលោកផ្ទុះការគាំទ្រជាខ្លាំង​​​​​​​​​​​​កាលពី ១០ឆ្នាំមុន។

យ៉ាងណាមិញ លោកក៏ជាតារាចម្រៀងប្រុសនៅក្នុងផលិតកម្ម Town ក្រោយបាត់វត្តមាន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​របស់លោកមួយរយៈ មិនឃើញលោកឡើងច្រៀងលើឆាក អ្នកគាំទ្ររបស់លោកនឹកនាជាខ្លាំង ពេលដែលមិនឃើញលោកឡើងច្រៀង ប៉ុន្ដែកាលពីថ្មីៗនេះ គេបានឃើញវត្តមានរបស់លោកឡើងច្រៀងសារជាថ្មីម្ដងទៀត ហើយអ្វីដែលគួរឲ្យកត់សម្គាល់វិញនោះរូបលោកហាក់បីស្គងជាងមុនច្រើន ធ្វើឲ្យហ្វេនមានការព្រួយបារម្ភខ្លះដែរ ចំណែកទឹកដមសម្លេងរបស់លោក​​​វិញនៅតែពីរោះរណ្ដំជាមួយសម្លេងរដឺនរបស់លោក។

គួរឲ្យដឹងផងដែលថា តារាចម្រៀងប្រុសលោក ឃុង ឃុយ មានវត្តមានមកច្រៀងលើកនេះ គឺធ្វើឲ្យអ្នកគាំទ្រសប្បាយចិត្តជាខ្លាំង នៅពេលដែលបានឃើញលោកសារជាថ្មី ហើយក៏នៅចាំមិនដែលភ្លេចរាល់បទចម្រៀងល្បីៗរបស់លោកជាច្រើន ហើយថែមទាំងមានសន្ទុះនៃការគាំទ្រនៅខ្លាំងដដែលផងដែល។ 

សូមទស្សនារូបភាពខាងក្រោម៖