តៃវ៉ាន់៖ រូបភាពជាច្រើនសន្លឹករបស់ Ruby Lin ហៅថា​ ព្រះនាង ចៀ​វៃ ដែលជាតារាសម្ដែងស្រី ដ៏មានប្រជាប្រិយភាព កំពុងទទួលបានការចាប់អារម្មណ៍ខ្លាំង គួរឲ្យកត់សម្គាល់ពីសំណាក់មហាជន  ដែលបានលេចមុខក្នុងកម្មវីធី បង្ហាញនៅលើកម្រាលព្រំ។

ទៀតសោត មហាជនបានសង្កេតឃើញថា រ៉ូបវែងដ៏សែនស៊ីវីល័យ វាលខ្នង បញ្ចេញល្វែងក្រោយ ជាមួយរាងស្តើងខ្ពស់ កម្ពស់១៦៧ សង់ទីម៉ែត្រ និងគ្រឿងអលង្ការតុបតែងលំអរដែលតិចតួចបំផុត  បានធ្វើឲ្យរូបនាងកាន់តែលេចធ្លោថែមមួយកម្រិតទៀត ដែលមើលទៅមិនសាកសមនឹង អាយុ៤០ ប្លាយទាល់តែសោះ។

តាមរយៈរូបថតប៉ុន្មានសន្លឹកដែលបានបង្ហោះ ក៏ដូចជាចែកចាយលើបណ្តាញសង្គម បានធ្វើឲ្យគួរឲ្យចាប់អារម្មណ៍បំផុតនោះ សម្រស់តារាស្រីរូបនេះ នៅតែក្មេងជាងវ័យ ទោះបីវ័យរបស់នាងកាន់តែជ្រេក៏ពិតមែន ក៏នៅតែទាក់ទាញក្រសែភ្នែករបស់មនុស្សផងទាំងពួងតែម្តង៕

ប្រភព៖ ngoisao

សូមទស្សនារូបភាពខាងក្រោម៖