ឥណ្ឌូណេស៊ី ៖ ឆ្នាំនេះមិនខុសប្លែកពីឆ្នាំមុនឡើយ មហាជនជាច្រើនកំពុងរង់ចាំការប្រកួត Miss Grand International 2022 ដែលនឹងប្រារព្ធធ្វើនៅក្នុងប្រទេសឥណ្ឌូណេស៊ី នៅថ្ងៃទី ២៥ ខែតុលា ឆ្នាំ២០២២ ខាងមុខឆាប់ៗនេះ ដែលកញ្ញា ពេជ្រ វត្តីសារ៉ាវឌ្ឍី ជាបវរកញ្ញាតំណាងកម្ពុជា ចូលរួមប្រកួតលើឆាកអន្តរជាតិដ៏ធំមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ហ្វេនៗគាំទ្រការប្រកួតនេះ ដាក់ការរំពឹងខ្ពស់លើលទ្ធផលឆ្នាំនេះជាងឆ្នាំមុនៗ ដោយផ្អែកលើរូបសម្រស់ សមត្ថភាព ទំនុកចិត្តនិងការហាត់សម គឺកញ្ញា ពេជ្រ វត្តីសារ៉ាវឌ្ឍី បង្ហាញយ៉ាងច្បាស់ ត្រៀមខ្លួនរួចរាល់ជាស្រេចដែលធ្វើឲ្យហ្វេនៗពេញចិត្តជាខ្លាំង បើទោះបីឈុតតំណាងជាតិ មានបញ្ហាចម្រូងចម្រាស់យ៉ាងណាក្តី។
អ្វីដែលកាន់តែពិសេសនោះគឺ មហាជនសង្ឃឹមយ៉ាងមុតមាំថា កម្ពុជានឹងអាចទទួលបានមកុដមួយក្នុងចំណោមមកុដទាំង១០នាឆ្នាំនេះ ខណៈស្ថាបនិកជនជាតិថៃលោក Nawat បានបញ្ជាក់លើគណនីInstagramថា ឆ្នាំនេះបវរកញ្ញាកំពូលទាំង១០របស់ Miss Grand International ២០២២ នឹងទទួលបានមកុដម្នាក់មួយ ដែលការភ្ញាក់ផ្អើលថ្មីនេះប្រារព្ធឡើង ដើម្បីអបអរសាទរដល់ខួប១០ឆ្នាំ។ គួរបញ្ជាក់ផងដែរថា ម្ចាស់ពានឆ្នាំមុនបានទៅលើបវរកញ្ញាតំណាងប្រទេសវៀតណាម ចុះឆ្នាំនេះហ្វេនៗអាចទាញទុកមុនទេថា តើប្រទេសណាមួយនឹងក្លាយជាម្ចាស់មកុដឆ្នាំថ្មីនេះ?៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
![ កញ្ញា ពេជ្រ វត្តីសារ៉ាវឌ្ឍី ](https://s9.kh1.co/__image/w=650,h=1001,q=100/d5/d5979c3b624346d57281928cdba607a0f273429b.jpg)
![ កញ្ញា ពេជ្រ វត្តីសារ៉ាវឌ្ឍី ](https://s9.kh1.co/__image/w=650,h=434,q=100/7a/7aa7e7cef2f6826b38fe6310ff3564c5e7bcb2a9.jpg)
![ លោក Nawat ](https://s9.kh1.co/__image/w=650,h=629,q=100/4b/4ba4c0407999d3d3c7beac3ec2ca3e785cbddc4e.jpg)
![សំណេរលោក Nawat ](https://s9.kh1.co/__image/w=650,h=934,q=100/b1/b148aeeee305409fb13cd2836b7bb7d98361d7ed.jpg)