មានស្នេហ៍ថ្មីហើយ? ពេលមើលរូប Bella បង្ហាញក្ដីសុខ ជាមួយបុរសសង្ហារូបនេះ

ថៃ៖ ចាប់តាំងពីបានត្រឡប់ មករកភាពនៅលីវវិញនោះ តារាស្រី Bella ក៏កាន់តែធ្វើឲ្យហ្វេនៗជាច្រើនចាប់អារម្មណ៍តាមដានទៅលើជីវិតរស់នៅរបស់នាង ជាពិសេស ដែលកាលពីកន្លងមកនេះ រូបនាងតែងតែបានបង្ហាញ ពីសកម្មភាពកម្សាន្តរីករាយជាច្រើន ផងដែរ។

ដោយឡែក ថ្មីៗនេះ បានធ្វើឲ្យមានភាពភ្ញាក់ផ្អើលខ្លាំងជាងមុនទៀត ជាមួយនឹងការចែករំលែកមួយនៅលើបណ្ដាញសង្គម ដែលបានបង្ហាញរូបភាពរបស់ តារាស្រី Bella Ranee ថតរូបជាមួយបុរសវ័យក្មេងម្នាក់ដែលត្រូវបានគេស្គាល់ឈ្មោះថា Win William ព្រមទាំងជាមហាសេដ្ឋីមកពីប្រទេសឡាវ ទៀតផង។

អ្វីដែលសំខាន់នោះ តាមរយៈវីដេអូឃ្លីបមួយ អ្នកទាំងពីរក៏បាន ថតរូបជាមួយគ្នានៅលើ TikTok និង ធ្វើឲ្យមនុស្សជាច្រើនបានបញ្ចេញមតិចាប់អារម្មណ៍ជាពិសេស រួមទាំង​បានសរសើរ​ពីភាពស្រស់ស្អាតរបស់ Bella នៅពេលដែលរូបនាងតុបតែងខ្លួនយ៉ាងស្អាត ក៏ដូចជាបង្ហាញពីស្នាមញញឹម ទឹកមុខស្រស់ថ្លា រហូតដល់មានមនុស្សមួយចំនួន បានឆ្ងល់និងសង្ស័យថាតើ បុរសរូបនោះគឺជាអ្នកណាឲ្យពិតប្រាកដ ខណៈដែលអ្នកទាំងពីរមានការបង្ហាញខ្លួនឡើងស៊ីចង្វាក់គ្នាល្អបែបនេះ៕

ប្រភព៖ Kapook

សូមទស្សនារូបភាពខាងក្រោម៖