គិតម៉េចដែរ? អតីតក្លិបរបស់ CR7 មួយនេះកំពុង ព្យាយាមយកគេទៅរួមក្រុមវិញ ដោយគ្មានតម្លៃខ្លួន

បរទេស៖ ក្លិបចាស់របស់ Cristiano Ronaldo គឺក្លិប Sporting CP កំពុងដុតដៃដុតជើង ព្យាយាមយក អតីតកីឡាករគេទៅរួមក្រុមវិញ ដោយគ្មានតម្លៃខ្លួន។

ជាការពិតណាស់ បញ្ហារបស់ Ronaldo នៅក្នុងក្រុម នៅតែមាន ទោះបីជា Ronaldo ក៏ដូចជា លោក Ten Hag បានបញ្ចាក់ម្តងហើយ ម្តងទៀតថា Ronaldo កំពុងតែធ្វើបានល្អ នៅក្នុងក្រុម តែធាតុពិតជាក់ស្តែង នៅតែមានបញ្ហារអាក់រអួលដដែល។

បើយោងទៅតាមសារកាសែត The Independent បានចុះផ្សាយឲ្យដឹងថា ក្លិប Sporting CP បានធ្វើការទាក់ទងមកខាងក្លិប Man Utd រួចហើយ ដើម្បីចរចារគ្នាយក Ronaldo មកទ្រនំចាស់វិញ ដោយគ្មានតម្លៃខ្លួន នៅរដូវក្តៅនេះ៕

ប្រភព៖ sportsmole