Danielle កំពុងទាក់ទាញចំណាប់អារម្មណ៍ ដោយសារមុខដូច Kim Yoojung

កម្សាន្ត ÷ ភ្លាមៗបន្ទាប់ពីការបង្ហាញខ្លួនដំបូង របស់ក្រុមតារាចម្រៀងស្រីថ្មីរបស់ផលិតកម្ម HYBE នៅក្នុងខែសីហា ក្រុមនារីថ្មីថ្មោង NewJeans នេះ បានទទួលការចាប់អារម្មណ៍ពាសពេញពិភពលោកភ្លាមៗ ដោយសារសមាជិកម្នាក់ៗទាំងស្អាត ទាំងមានសមត្ថភាព និងបទចម្រៀងដ៏ល្អប្លែក របស់ពួកគេ។

ហើយថ្មីៗនេះ សមាជិកក្រុម NewJeans ម្នាក់គឺ Danielle ជាជនជាតិអូស្ត្រាលី កាត់កូរ៉េ ត្រូវបានអ្នកនិយមលេងអ៊ីនធើណែតជាច្រើន ប្រៀបធៀបទៅនឹងតារាសម្តែងស្រី Kim Yoo Jung ដោយសារតែនាងបានទាក់ទាញចំណាប់អារម្មណ៍ ចំពោះភ្នែកដ៏ស្រស់ស្អាត ថ្ងាសតូច និងរូបរាងចម្រុះស្រួចរបស់នាង។

ក្នុងនោះ មនុស្ស​ជា​ច្រើន​បាន​សរសើរ Danielle ចំពោះ​មុខ​តូច និង​ច្រមុះ​ខ្ពស់​ដ៏​ស្រស់​ស្អាតរបស់នាង បន្ថែមពីនោះស្នាមញញឹមរបស់នាង ក៏មានភាពទាក់ទាញ ស្រស់ស្រាយ ថែមទៀត ចំណុចនេះហើយគឺកាន់តែមានភាពស្រដៀងនឹង Kim Yoo Jung ជាពិសេសគឺនៅពេលដែលអ្នកទាំងពីរ ចង់បួងសក់ឡើងទៅលើបែកជាពីរ គឺមុខរបស់តារាស្រីទាំងនេះកាន់តែដូចគ្នាបេះបិទ រហូតដល់អ្នកគាំទ្រអត់ភ្ញាក់ផ្អើលមិនបាន៕

ជ្របច្បាស់ សូមទស្សនារូបភាពខាងក្រោម ÷ 

ប្រភព : GStarLive