កម្សាន្ត ÷ ជារឿងធម្មតាទេដែលអ្នកគាំទ្រសុំថតរូប ជាមួយតារាល្បីៗពេលឃើញពួកគេនៅតាមផ្លូវ ប៉ុន្តែក្នុងករណីខ្លះអ្នកគាំទ្រក៏បានជេរប្រមាថ និងមិនគោរពតារាទាំងនោះផងដែរ យ៉ាងណាវាមិនពិបាកទេក្នុងការស្វែងរកតារាល្បីៗនៅតាមដងផ្លូវក្នុងប្រទេសកូរ៉េ ជាពិសេសកន្លែងដូចជា កីឡដ្ឋាន ភោជនីយដ្ឋាន ហាងកាហ្វេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ហើយនៅពេលដែលអ្នកគាំទ្រទៅជួបតារាល្បីៗ ពួកគេតែងសុំថតរូប ឬហត្ថលេខា ប៉ុន្តែគួរឲ្យសោកស្ដាយ សិល្បករជាច្រើនបានឆ្លងកាត់បទពិសោធន៍ដែលមិនសូវល្អ ព្រោះតែរឿងនេះ ពិសេសពួកគេឈឺចាប់ដោយសារពាក្យសម្តីឈ្លើយពីអ្នកគាំទ្រដែលសុំថតរូបជាមួយ ដែលជាមូលហេតុដែលតារាល្បីៗជាច្រើន បានស្ទាក់ស្ទើរក្នុងការថតរូបជាមួយ សូម្បីតែអ្នកគាំទ្រពិតប្រាកដរបស់ពួកគេ។
ឧទាហរណ៍គឺតារាកំប្លែង Kim Won Hyo ពេលលោកចូលរួមពិធីមង្គលការអ្នកស្គាល់គ្នា ភ្ញៀវជាច្រើននាក់បានសុំថតរូបជាមួយលោក ក្រោយមកមនុស្សម្នាក់បានបង្ហោះរូប Selfie ដែលថតជាមួយ Kim Won Hyo នៅលើ SNS របស់ពួកគេ ហើយបានរិះគន់លោកថាមិននិយាយមិនត្រង់ ហើយក៏រួមបញ្ចូល hashtags ប្រមាថ Kim Won Hyo ថែមទៀត។
យ៉ាងណា ស្ថានភាពស្រដៀងគ្នានេះបានកើតឡើងចំពោះតារាសម្តែង Shin So Yul នៅក្នុងការប្រកួតកីឡា Baseball ដែលមានក្មេងស្រីម្នាក់ដែលបានសុំថតរូប Selfie ជាមួយ Shin So Yul ក្រោយមកបានបង្ហោះនៅលើ SNS ជាមួយនឹងចំណងជើងថា «ខ្ញុំបានបន្តសុំថតរូបប៉ុន្តែទឹកមុខរបស់នាងគឺចម្លែកណាស់ ខ្ញុំមិនដែលចាប់អារម្មណ៍នាងទេ ប៉ុន្តែខ្ញុំចូលចិត្តនាង» មិនតែប៉ុណ្ណោះការបញ្ចេញមតិនៅក្រោមការបង្ហោះនេះ ក៏បានធ្វើឲ្យ Shin So Yul ខ្មាសគេដែរ ដោយចោទនាងពីការវះកាត់កែសម្ផស្ស ដោយនិយាយថា អ្នកគាំទ្រមើលទៅស្អាតជាងនាងទៅទៀត។
នៅមិនទាន់អស់ រឿងដដែលនេះបានកើតឡើងចំពោះតារាកំប្លែង Kim Ki Su ក្រោយគាត់មិនស្ទាក់ស្ទើរក្នុងការថតរូបជាមួយអ្នកគាំទ្រ ប៉ុន្តែត្រូវបានបញ្ចប់ដោយទទួលបានមតិមិនសមរម្យ។ អ្នកដែលបានថតរូប Selfie ជាមួយគាត់ថែមទាំងនិយាយថាពួកគេមានអារម្មណ៍ចង់ក្អួតបន្ទាប់មក។ ក្រោយមក Kim Ki Su បានឆ្លើយតបទៅនឹងការលើកឡើងដ៏ឈឺចាប់នេះថា «ខ្ញុំគិតថាអ្នកនឹងមានចិត្តល្អ ព្រោះអ្នកមានមុខស្អាតបែបនេះ ខ្ញុំចាំថាអ្នកបាននិយាយអរគុណបីដងហើយអោនមកខ្ញុំ នេះពិតជាឈឺចាប់ណាស់ ចាប់ពីពេលនេះទៅ ខ្ញុំនឹងប្រុងប្រយ័ត្នពេលអ្នកផ្សេងសុំថតរូបជាមួយខ្ញុំ»។
ដោយសារតែមានតារាជាច្រើន ទទួលបានបទពិសោធន៍អវិជ្ជមានទាំងនេះហើយ ទើបបានជាតារាផ្សេងៗទៀត ខ្លាចរអា មិនហ៊ានសូម្បីតែថតរូបជាមួយអ្នកគាំទ្រពិតប្រាកដរបស់ពួកគេ៕
ប្រភព: Kbizoom
Bong I.T