ចុម! ក្រោយ Mbappe មិនបានមក R.Madrid ស្រាប់តែ Benzema បង្ហោះរូបដ៏ចម្លែកមួយនេះ ដែលមានអត្ថន័យថា…

បរទេស៖ ក្រោយពី Kylian Mbappe សម្រេចបន្តកុងត្រាថ្មីជាមួយ Paris Saint Germain ស្រាប់តែ ខ្សែប្រយុទ្ធឆ្នើមរបស់ Real Madrid បានបង្ហោះរូបមួយសន្លឹក ដែលត្រូវបានគេសន្និដ្នានថា មាននយ័ថា មិត្តក្បត់មិត្ត។

ជាការពិតណាស់ R.Madrid បានតាមលួងចិត្ត Mbappe អស់ជាយូរ​ ពោលគឺ ចាប់តាំងពីទីផ្សារដោះដូរកីឡាករ កាលពីរដូវក្តៅមុនមកម្ល៉េះ។ យ៉ាងណាមិញ ថ្មីៗនេះ Mbappe ត្រូវបានបន្តកុងត្រាថ្មីជាមួយ PSG រហូតដល់ឆ្នាំ ២០២៥​ ជាផ្លូវការហើយ ដោយការបន្តកុងត្រានេះ​ ធ្វើឲ្យខាង R.Madrid មានការខកចិត្តយ៉ាងខ្លាំង។

បើយោងទៅតាមគណនី Instagram របស់ Benzema ផ្ទាល់តែម្តង ត្រូវបានគេឃើញថា Benzema បានបង្ហោះរូបមួយសន្លឹក ដោយក្នុងរូបនោះជារូបរបស់ តារារ៉េប Hip-Hop ដ៏ល្បីឈ្មោះម្នាក់គឺ Tupac Shakur​ ដែលត្រូវគេបាញ់សម្លាប់តាំងពីឆ្នាំ ១៩៩៦ មកម្ល៉េះ។ យ៉ាងណាមិញ បើតាមការសន្និដ្នាន របស់អ្នកប្រើប្រាស់បណ្តាញសង្គមម្នាក់បាន ប្រាប់ថា រូបមួយសន្លឹកនេះ ចង់បង្ហាញពីអត្ថន័យ មិត្តក្បត់មិត្ត ដោយរូបថតមួយសន្លឹកនេះ គឺជារូបថត ដែល Tupac ថតជាមួយ មិត្តរបស់គេ ដែលជាអ្នករួមគំនិត បង្កករណីឃាតកម្មទៅលើគេ កាលកំឡុងឆ្នាំ ១៩៩៦ នោះ៕

ប្រភព៖ sportbible