ថ្លៃកប់! រថយន្ដនេះ ក្លាយជារថយន្តថ្លៃបំផុត របស់ពិភពលោក តម្លៃដល់ទៅ…

https://s9.kh1.co/fd/fd13f37ca15b40b53a142f097c9aab230ef1db56.png
ប្លែកៗ
 22-May-2022 8am · a month ago

រថយន្តប្រភេទម៉ាក Mercedes-Benz 300 SLR Uhlenhaut Coupes ស៊េរីឆ្នាំ១៩៥៥ ក្នុងតម្លៃ ប្រមាណ១៤៣,៦១៧,៦៣៥ដុល្លារអាមេរិក ដែលធ្វើឲ្យវាក្លាយជា រថយន្តថ្លៃបំផុតរបស់ពិភពលោក។

បរទេស៖ ផ្ទះដេញថ្លៃ RM Sotheby's បានបញ្ជាក់ថា ខ្លួនបានលក់រថយន្តប្រភេទម៉ាក Mercedes-Benz 300 SLR Uhlenhaut Coupes ស៊េរីឆ្នាំ១៩៥៥ ក្នុងតម្លៃ ១១៥លានផោន (ប្រមាណ១៤៣,៦១៧,៦៣៥ដុល្លារអាមេរិក) ដែលធ្វើឲ្យវាក្លាយជា រថយន្តថ្លៃបំផុតរបស់ពិភពលោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង វាត្រូវបានលក់ឲ្យអ្នកប្រមូលទិញ នៅឯការដេញថ្លៃសម្ងាត់កំពូល ដែលរៀបចំនៅសារមន្ទីរ Mercedes ក្នុងប្រទេសអាឡឺម៉ង់កាលពីថ្ងៃទី០៥  ខែឧសភា ឆ្នាំ២០២២ ខណៈបានតម្លៃថ្លៃលើសពីរថយន្ដមួយគ្រឿងពីមុន ដោយមានតម្លៃត្រឹម៦៣លានផោន (ប្រមាណ៧៨,៦៧៧,៤៨៧ដុល្លារអាមេរិក)។ ហើយវាជារថយន្ដមួយគ្រឿង ក្នុងចំណោមរថយន្ដពីរគ្រឿង ដែលបានបង្កើតឡើងនាឆ្នាំ១៩៥៥ និងតែងតែ ត្រូវបានចាត់ទុកថាជាគ្រឿងអលង្ការដ៏អស្ចារ្យមួយនៃប្រវត្តិសាស្រ្តសម្រាប់ការបើកបររថយន្ត។

តួយ៉ាង ការលក់របស់វា គឺជាពេលវេលាដ៏អស្ចារ្យមួយដែរ ដែលមានមនុស្សតិចណាស់មិននឹកស្មានថា វានឹងផ្តល់ជូនអ្នកទិញឯកជន។ យ៉ាងណាមិញ អ្នកអញ្ជើញឲ្យចូលរួមការការដេញថ្លៃ ត្រូវបានជ្រើសរើសដោយដៃថាជាអតិថិជន Mercedes ផ្ទាល់ ដែលគេស្គាល់ និងជាអ្នកប្រមូលទិញរថយន្ត។ ហើយអ្នកដែលទិញបាន ត្រូវយល់ព្រមបន្តយករថយន្តទៅចូលរួមព្រឹត្តិការណ៍នានា និងដាក់តាំងបង្ហាញនៅពេលអនាគត ដោយមិនត្រូវលក់វាក្នុងរយៈពេលកំណត់ឡើយ៕

ប្រភព: Daily Mail

សូមទស្សនារូបភាពខាងក្រោម៖

រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
Meas Chandara
D.R

អត្ថបទទាក់ទង