រាជធានីភ្នំពេញ ៖ ពិតណាស់ ជឿជាក់ថា បងប្អូនលេងបណ្តាញសង្គម នរណាៗក៏បានស្គាល់ពី ប្រជាប្រិយភាពរបស់ យាយសួយ អ្នកលក់អនឡាញល្បីឈ្មោះម្នាក់ ដែលកំពុងមានគេឯងផ្ទុះការចាប់អារម្មណ៍ នឹងជីវិតឡូយឆាយ ហ៊ឹកហ៊ាក់របស់រូបនាង និងក្រុមមិត្តភក្តិជាខ្លាំង។

ជាក់ស្តែង មហាជនប្រាកដដឹងទៀតថា រាល់ការLiveលក់ផលិតផលរបស់ រូបនាងម្តងៗ តែងប្រើពាក្យមិនសូវសមរម្យ ជាពាក្យលេងសើចធ្វើឲ្យមហាជន សើចសប្បាយ ខណៈដែលដំបូងត្រូវគេរិះគន់ តែយូរៗទៅ ក៏ហាក់ស្ងប់ស្ងាត់បន្តិចម្តងៗ ព្រោះដឹងថា គ្រាន់តែជាការទាក់ទាញចិត្តអ្នកមើលតែប៉ុណ្ណោះ។

យ៉ាងណាមិញ ថ្មីៗនេះ ជាមួយនឹងការLiveពីមិត្តភក្តិជិតស្និទខ្លួន ជួបជុំផឹកស៊ីរួមគ្នានោះ ស្រាប់តែមិត្តភក្តិម្នាក់ទៀត ត្រូវគេសង្ស័យមាន ចេតនាលេងសើច​ជ្រុលចាក់ម្ហូបលើខ្លួន យាយសួយ អ្វីដែលធ្វើឲ្យគេកាន់តែភ្ញាក់ផ្អើលនោះគឺ យាយសួយ បានជេ.រមិត្តខ្លួនខ្លាំងៗ ក្នុងការLive ធ្វើឲ្យមហាជនផ្អើលថា ភាគីម្ខាងទៀត ទម្លាក់ទឹកមុខចុះ សើចលែងសម ខំប្រឹងសើចដើម្បីមិត្តភក្តិ បើជេ.រធ្ងន់ៗមុខគេឯងដូច្នេះ។

ទន្ទឹមនឹងការរិះគន់រឿងសម្តីមិនពិរោះយ៉ាងដូច្នេះ យាយសួយ បានចេញមកបកស្រាយថា រូបនាងខឹងខ្លាំងមែនទែន ព្រោះនេះជាម្ហូបសម្រាប់ហូប តែលេងមកចាក់ចោល លើខ្លួនដូច្នេះ នរណាទៅទប់បាន៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖