អង់គ្លេស៖ ខ្សែប្រយុទ្ធ Cristiano Ronaldo ត្រូវបានគេចាត់ទុកថាជាកំពូលកីឡាករមួយរូបក្នុងពិភពលោកដែលបានបំបែកកំណត់ត្រាជាច្រើនដូចជាអ្នកស៊ុតបញ្ចូលទីឲ្យក្លិបនិងជម្រើសជាតិ បានច្រើនជាងគេបង្អស់ក្នុងប្រវត្តិសាស្ត្របាល់ទាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិព័រទុយកាល់រូបនេះក៏ធ្លាប់ឆ្លងកាត់ការលេងនៅក្លិបធំៗនៅអឺរ៉ុបដូចជា Sporting Lisbon, Manchester United, Real Madrid និង Juventus ជាដើម ដែលមានន័យថាគេធ្លាប់ជួបគូប្រកួតឆ្នើមៗរាប់មិនអស់។
យ៉ាងណាមិញ Ronaldo ធ្លាប់បង្ហើបឲ្យដឹងថា មានតែកីឡាករម្នាក់គត់ដែលគេខ្លាចញញើតនឹងទប់ទល់ជាមួយនោះគឺអតីតខ្សែការពារ Ashley Cole ក្នុងកិច្ចសម្ភាសន៍ជាមួយ El Chiringuito កាលឆ្នាំ២០១៨។
Ronaldo បានបង្ហើបឲ្យដឹងថា៖
ជាច្រើនឆ្នាំកន្លងមកហើយ ខ្ញុំធ្លាប់ប្រកួតតទល់ជាមួយ Ashley Cole គឺគេមិនបានផ្ដល់ឱកាសឲ្យខ្ញុំបានដកដង្ហើមជាលើកទី២ទេ។ គេជាកីឡាករដែលមានការតស៊ូខ្លាំង គឺពិតជារត់លឿន និងពិបាកក្នុងការតទល់។ អ្នកដឹងហើយថានោះមិនមែនជាការប្រកួតដ៏ងាយស្រួលទេ។
ប្រភព៖ punditarena
Bong I.T