ភ្នំពេញ៖ ជាការពិតណាស់ កញ្ញា លីកា សមាជិកក្រុម2Themoon បានទទួលការចាប់អារម្មណ៍ពេញបណ្តាញហ្វេសប៊ុក ក្រោយពីរូបនាងបានបញ្ចប់ភាពនៅលីវរបស់ខ្លួន ចាប់ដៃគូស្នេហ៍ចូលរោងការកាលពីថ្ងៃទី ៣០ ខែមករា ឆ្នាំ២០២២ ថ្មីៗកន្លងទៅនេះ។

ជាមួយគ្នានេះ នៅក្នុងថ្ងៃរៀបអាពាហ៍ពិពាហ៍ របស់តារាស្រីរូបនេះ ក៏មានភ្ញៀវកិត្តិយស ជាពិសេសមិត្តៗរួមសិល្បៈចូមរួមអបអរជូនពរជ័យយ៉ាងច្រើនអធិកអធមផងដែរ។ ក្នុងនោះផងដែរ គេសង្គេតឃើញ ក្នុងពិធីអាពាហ៍ពិពាហ៍ លីកា ហាក់សប្បាយរីករាយជាខ្លាំង ទាំងភ្ញៀវកិត្តិយសរាំលេងកម្សាន្ត តែងខ្លួនខ្ញង់ៗគ្រប់គ្នា។

ជាពិសេស ក្នុងថ្ងៃមង្គលនេះ សមាជិកក្រុម2Themoon មួយរូបនេះពិតជាស្រស់ស្អាតសោភាដូចព្រះនាង អញ្ចឹង។ ជាក់ស្ដែង បើក្រលេកមើលកម្រងរូបភាពអនុស្សាវរីយ៍នៅក្នុងថ្ងៃរៀបអាពាហ៍ពិពាហ៍របស់នាង ពិតជាស្រស់សង្ហាសោភាទាំងគូ និងពិតជាសមគ្នាខ្លាំងណាស់។ ជាងនេះទៅទៀត ហ្វេនៗក៏រំភើប និងបង្ហាញនូវអារម្មណ៍ត្រេកអរគ្រប់ៗគ្នាពេលឃើញអាយដលរបស់ពួកគេមានក្តីសុខបែបនេះ៕

សូមទស្សនារូបភាពខាងក្រោម៖