ថៃ៖ ប្រិយមិត្តខ្លះប្រាកដជាបានស្គាល់ ក្រុមក្មេងៗល្បីនៅប្រទេសថៃ ក្រុម Deksorkrao ជាក់ជាមិនខាន ព្រោះនាពេលកន្លងមក ពួកគេតែងតែធ្វើឲ្យមហាជនផ្ទុះសំណើច និងពោលពាក្យសរសើរទៅកាន់ពួកគេ តាមរយៈការថតវីដេអូត្រាប់តាមបទចម្រៀងរបស់តារាល្បីៗជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែក កាលពីពេលថ្មីៗនេះ ក្រុម Deksorkrao ទើបតែបានបញ្ចេញវីដេអូថ្មីមួយទៀតរបស់ពួកគេ ដោយវីដេអូនោះពិតជាទទួលបានការគាំទ្រច្រើន ពោលគឺត្រឹមរយៈពេលខ្លីប៉ុណ្ណោះ មានអ្នកចូលទស្សនារាប់លានដងនៅលើយូធូប។
យ៉ាងណាមិញ វីដេអូចុងក្រោយដែលក្រុមនេះបានបង្ហោះ គឺជាវីដេអូដែលថតធ្វើត្រាប់តាម Teaser Trailer ក្នុងរឿង Spider Man : NO WAY HOME ដែលក្នុងនោះយើងឃើញថា ពួកគេពិតជាធ្វើបានល្អខ្លាំងមែនទែន ព្រោះថាតួសម្ដែងសុទ្ធតែជាក្មេងៗ ហើយបើតាមការមើលលើការថត ការរៀបចំប្លង់ ការកាត់ត និងបច្ចេកទេសផ្សេងៗ មើលទៅគឺឡូយដូចទៅនឹងវីដេអូដើមពិតៗតែម្ដង ទើបធ្វើឲ្យគ្រប់គ្នាឃើញហើយមិនសរសើរមិនបាន៕
ចង់ជ្រាបច្បាស់ ទស្សនាវីដេអូខាងក្រោម៖
Bong I.T