អាមេរិក៖ ក្នុងពេលថ្មីៗនេះ តារាចម្រៀង និងសម្តែង អាមេរិក Selena Gomez បានទម្លាយប្រាប់មហាជនទាំងអស់អំពីរឿងរ៉ាវទាក់ទងទៅនឹងព័ត៍មានឯកជនរបស់ខ្លួន ក្រោយពីខ្លួនមិនទាន់បើកចិត្តទទួលស្នេហាពីបុរសណាម្នាក់នៅឡើយ ទោះបីជាមានប្រុសស្អាតជាច្រើនតម្រង់ជួរសុំក្តីស្រឡាញ់ពីតារាស្រីរូបនេះក៏ដោយចុះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅក្នុងកិច្ចសម្ភាសជាមួយ Vogoe បានបង្ហាញពីព័ត៍មានផ្ទាល់ខ្លួនទៅកាន់មហាជន ជាពិសេសហ្វេនដែលតែងចង់ដឹងលឺរឿងរ៉ាវរបស់អាយដលជានិច្ច ពេលនេះ តារាចម្រៀងវ័យ២៩ឆ្នាំរូបនេះបាននិយាយត្រួសៗថា៖
ចំពោះខ្ញុំផ្ទាល់ កីឡាវៃប្រដាល់គឺជាកីឡាដែលខ្ញុំស្រឡាញ់ ខ្ញុំបានចំណាយពេលច្រើនទៅលើកីឡាមួយនេះ ខណៈពេលខ្ញុំនៅទីក្រុងញ៉ូយក
ចំណែកអាថ៌កំបាំងនៃការថែរក្សាសម្រស់ឱ្យកាន់ខ្ញង់របស់ខ្ញុំវិញគឺ ខ្ញុំមិនដករោមចិញ្ចើមទេ ខ្ញុំមិនផាត់រោមភ្នែកទេ មិនត្រូវប៉ះពាល់ត្រង់ចំណុចនេះទេ! ខ្ញុំគ្រាន់តែកែលម្អតិចតួច ជាមួយនឹងចន្ទាសដកស្កូវប៉ុណ្ណោះ
រីឯពេលដែលត្រូវចេញក្រៅ ទៅញុំអាហារពេលល្ងាចខ្ញុំតែងតែលាបក្រែមពណ៍ក្រហម មើលទៅរាងទាន់សម័យផង រាងចាស់គម្រិលផង តែនេះមិនមែនជាបញ្ហាទេប្រសិនជាខ្ញុំមិនបានទាក់នរណាម្នាក់ ដែលការពិតគឺអត់ទាក់ទងនរណាម្នាក់ពិតមែន ដូច្នេះនេះពិតជាល្អណាស់ ព្រោះខ្ញុំអត់ត្រូវថើបនរណាម្នាក់នោះឡើយ
យ៉ាងណាមិញខណៈពេលនេះ Selena Gomez ហាក់ដូចជាមិនចាប់អារម្មណ៍ទៅកាន់នរណាម្នាក់នោះឡើយ ដោយភាគច្រើនមហាជន និងអ្នកកាសែតតែងតែឃើញតារាស្រីរូបនេះចំណាយច្រើនជាមួយនឹងមិត្តជិតស្និទ្ធរបស់ខ្លួនទៅវិញ៕
សូមចូលទស្សនារូបភាពខាងក្រោម៖
Bong I.T