ចុម? មានរឿងអីហ្នឹង ស្ងាត់ៗ ម៉េង ប៊ុនឡូ បួសជាព្រះសង្ឃហើយ

រាជធានីភ្នំពេញ៖ ពិតណាស់ អ្នកណាៗក៏ស្គាល់ដែរ អតីតតារាសម្តែងល្បីឈ្មោះ លោក​ ម៉េង ប៊ុន ដែលបានរសាត់ចាកឆ្ងាយពីវិថីសិល្បៈ សូន្យឈឹង ដែលមហាជនភាគច្រើន បានស្គាល់រូបលោក តាមរយៈខ្សែភាពយន្តរឿងដ៏ល្បី ពោលគឺរឿង ចៅពស់កេងកង។

ដោយឡែក ស្រាប់តែនៅថ្ងៃទី១៨ ខែមករា ឆ្នាំ២០២២ នេះ តាមរយៈហ្វេសប៊ុក អ្នកនាង ចន ចាន់លក្ខណា បានបង្ហោះដោយបានចោទជាសំនួរថា ហេតុអ្វីបានជាលោកបងមេឃបួសជាព្រះសង្ឃ?

ជុំវិញរឿងរ៉ាវនេះ ក្រោយពីបានឃើញបែបនេះ មហាជនជាច្រើន ពិតជាមានការភ្ញាក់ផ្អើលជាខ្លាំង ព្រោះថា តារាសម្តែងប្រុសរូបនេះ បានបាត់មុខពីវិថីសិល្បៈយូរណាស់ហើយ បែរជាពេលនេះ ស្រាប់តែបានឃើញរូបលោក សម្រេចចិត្តសាងភ្នួសជាព្រះសង្ឃទៅវិញ។

តែយ៉ាងណា គេពុំទាន់ដឹងនៅឡើយទេថាតើ ហេតុអ្វីបានជាលោក សម្រេចចិត្តទៅសាងភ្នួស ដោយស្ងាត់ៗបែបនេះទៅវិញ៕