បរទេស៖ ក្លិប Real Madrid ត្រូវបានគេរាយការណ៍ថា បានបើកភ្លើងខៀវឲ្យ Eden Hazard ទៅចូលរួមជាក្លិប Newcastle United ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Hazard បានផ្លាស់ពី Chelsea មកចូលរួមជាមួយ R.Madrid កាលពីឆ្នាំ ២០១៩ ក្នុងតម្លៃខ្លួន ១៥០អឺរ៉ូ (ឬប្រមាណ ១៧០លានដុល្លា)។ ជាក់ស្តែង យើងឃើញថា Hazard ពុំសូវមានឥទ្ធិពលដូចកាលគេ នៅក្លិបតោខៀវទេ ដោយសារពេលមកដល់ទឹកដីអេស្ប៉ាញនេះគឺ គេមានរបួសច្រើន ហើយមិនសូវបានបង្ហាញខ្លួនលើទីលាន ប៉ុន្មានទេ ដោយចាប់តាំងពីមកដល់ទីនេះមក គេបង្ហាញខ្លួនបានតែ ៥៩ប្រកួត និង រកគ្រាប់បាល់បានតែ ៥គ្រាប់ប៉ុណ្ណោះ។
បើយោងតាមសារកាសែត El Nacional បានចុះផ្សាយថា ក្លិប R.Madrid បានយល់ព្រមសំណើរបស់ក្លិប Newcastle ក្នុងការផ្ទេរយក Hazard ទៅកាន់ Premier League វិញហើយ ក្នុងតម្លៃខ្លួន ៤០លានអឺរ៉ូ (ឬប្រមាណ ៤៥លានដុល្លា) បូកនឹងថ្លៃសេវាបន្ថែម ១០លានអឺរ៉ូ (ឬប្រមាណ ១១លានដុល្លា) ថែមពីលើទៀត៕
ប្រភព៖ sportskeeda