រៀបការលើកទី២? សុខៗ Ahn Jae Hyun បង្ហោះរូបចូលរោងការក្រោយលែងលះអស់២ឆ្នាំ

កម្សាន្ត៖ រឿងដ៏គួរឲ្យភ្ញាក់ផ្អើល តារាសម្ដែងប្រុស Ahn Jae Hyun រស់នៅយ៉ាងស្ងប់ស្ងាត់ បន្ទាប់ពីលែងលះជាមួយប្រពន្ធអស់រយៈពេល២ឆ្នាំ ស្រាប់តែបង្ហោះរូបនៅក្នុងរោងការ មានកូនកម្លោះ កូនក្រមុំ ដឹកដៃគ្នា ធ្វើឲ្យហ្វេនមានការជ្រួលច្របល់ពេញបណ្ដាញសង្គម។ 

ងាកទៅរឿងដ៏កក្រើកកាលពីឆ្នាំ ២០១៩ វិញ តារាប្រុសរូបនេះ បានបែកផ្លូវគ្នាជាមួយភរិយាដែលជាតារាសម្ដែងស្រីដ៏មានប្រជាប្រិយភាព​ Goo Hye Sun ដោយមានការប្ដឹងប្ដល់ទៀតផង។ ដោយឡែក ក្រោយមានរឿងបែបនេះកើតឡើង ជីវិតរបស់ Ahn Jae Hyun ហាក់មានភាពស្ងប់ស្ងាត់មិនបង្ហាញមុខក្នុងសិល្បៈឡើយ។

ទន្ទឹមនឹងនោះ លោកក៏បានធ្វើឲ្យមហាជន ងាកមកចាប់អារម្មណ៍សារជាថ្មីជាមួយនឹងរូប គូស្វាមីភរិយាកំពុងចូលរោងការ ដែលខ្លួនបានបង្ហោះពីពេលថ្មីៗនេះ។ ផ្ទុយទៅវិញ លោកមិនបានរៀបការលើកទី២ ឬ ជារូបចាស់អ្វីនោះទេ វាគ្រាន់តែជារូបភាពរបស់មិត្តនៅពេលលោកចូលរួមពិធីតែប៉ុណ្ណោះ ដោយលោកបានអបអរសាទគូស្វាមីភរិយាថ្មី៕

ប្រភព៖ LoveKpop95