កូរ៉េខាងត្បូង ៖ ក្នុងវីដេអូសម្តែងរបស់ Jin កំពុងនៅលើឆ្នេរ ខណៈដែលលោកបានចែករំលែកក្បាច់សម្រាប់បទ «Super Tuna» និងក្បាច់ស្ទូចត្រី ដែលបំផុសគំនិតពីការនេសាទ ក្នុងនោះបទ «Super Tuna» ជាបទដ៏គួរឲ្យភ្ញាក់ផ្អើល របស់សមាជិក BTS សម្រាប់អ្នកគាំទ្រក្នុងការប្រារព្ធខួបកំណើតគម្រប់ ២៩ ឆ្នាំរបស់ Jin។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនោះ ក្នុងអំឡុងពេលផ្សាយផ្ទាល់នៅក្នុងកម្មវិធី VLive របស់ Jin បានបង្ហាញថា លោកបានសហការផលិតបទចម្រៀង និងក្បាច់រាំមួយនេះជាមួយនឹង ផលិតករ Pledis Entertainment Bumzu ដែលលោកបានធ្វើការជាមួយ កាលពីឆ្នាំមុនសម្រាប់បទ «Abyss»។
ក្នុងនោះ បទចម្រៀងមួយនេះ Jin ក៏បានចែករំលែកថាបទ «Super Tuna» ត្រូវបានបំផុសគំនិត ដោយការធ្វើដំណើរនេសាទរបស់លោក កាលពីខែកញ្ញាឆ្នាំមុន ដែលទំនុកច្រៀងនិយាយពីការនេសាទរបស់ Jin ជាមួយនឹងក្បាច់រាំបែបសប្បាយៗ និងគួរឲ្យស្រលាញ់ ក៏មានឈុតរាំខ្លះ ធ្វើឲ្យអ្នកគាំទ្រមិនអាចទប់សំណើចបាន៕
ជ្រាបកាន់តែច្បាស់ សូមទស្សនា MV ការសម្តែងពិសេសរបស់បទ «Super Tuna» របស់ Jin ខាងក្រោម ៖
ប្រភព : Allkpop
Bong I.T