បរទេស៖ លោក Gary Lineker បាន ជម្រុញឲ្យ កីឡាករ Lionel Messi លះបង់ ពាន Ballon d'Or ទី៧ របស់គេ ឲ្យកីឡាករ Robert Lewandowski វិញ។
ជាការពិតណាស់ ឱកាសទទួលបានពាន Ballon d'Or នៅឆ្នាំ២០២០ របស់ Lewandowski ត្រូវបានរំសាយដោយសារតែ ការផ្ទុះមេរោគ កូវីដ-១៩ ខ្លាំងជុំវិញពិភពលោក។ ជាក់ស្តែង កាលពីរដូវកាលឆ្នាំមុននេះ Lewandowski ត្រូវបានគេរំពឹងថា នឹងបានឈ្នះពាន Ballon d'Or នេះទៅហើយ ដោយសារស្ថិតិដ៏អស្ចារ្យរបស់គេ។ Lewandowski រកគ្រាប់បាល់បាន ៤៤គ្រាប់ ជាមួយក្លិប Bayern Munich និង ជម្រើសជាតិបូឡូញ ហើយគេរួមទាំងឈ្នះពានបីធំៗផងដែរ រួមមាន ពានលីគកំពូលអាល្លឺម៉ង់ Bundesliga, ពាន DFB-Pokal, និង ពាន Champion League នៅក្នុងមួយរដូវកាលឆ្នាំ ២០១៩/២០ កន្លងទៅនេះ។
លោក Lineker បាននិយាយថា៖
ខ្ញុំគិតថា ក្រុមគណៈកម្មការគួរតែ សងពាន Ballon d'Or ទៅ Lewandowski វិញ ព្រោះគេសក្តិសមនឹងឈ្នះវាណាស់ កាលពីឆ្នាំ២០២០។ សូម្បីតែ Messi ក៏យល់ស្របដែរ អ៊ីចឹងហើយ គេគួរតែលះបង់ពាននេះ ឲ្យ Lewandowski ក៏បានដែរ វាគ្មានអ្វីដែលពិបាកធ្វើទេ ហើយការធ្វើនេះ គឺជារឿងដែលត្រឹមត្រូវទៀត៕
ប្រភព៖ Mirror
