វីរវរហើយ! Juventus អាចនឹងធ្លាក់ទៅលេងនៅលីគទី២វិញ ដោយសារបញ្ហាមួយនេះ - Khmerload

វីរវរហើយ! Juventus អាចនឹងធ្លាក់ទៅលេងនៅលីគទី២វិញ ដោយសារបញ្ហាមួយនេះ

https://s9.kh1.co/1a/1af512a6bb2d13dfe2fe4dabd40ccd590c760669.jpg
កីទ្បា
 30-Nov-2021 2pm · 2 months ago

Juventus អាចនឹងធ្លាក់ទៅលេងនៅលីគទី២វិញ ដោយសារបញ្ហាមួយនេះ

អ៊ីតាលី៖ ក្លិបសេះបង្កង Juventus ត្រូវបានគេរាយការណ៍ថា អាចនឹងកាត់ឲ្យទៅលេងនៅលីគទី២វិញ ដោយស្វ័យប្រវត្តិ បន្ទាប់ពីរកឃើញថា ក្លិបបានប្រើប្រាស់បញ្ជីគណនីក្លែងក្លាយ។

https://s9.kh1.co/__image/w=650,h=368,q=100/bb/bbf360d0154e4f0375dc0c188efd70a9f1d2dcc1.png
ទិដ្ឋភាពលើទីលាន
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ កាលពីថ្មីៗនេះ Juventus កំពុងតែស្ថិតក្រោមការស៊ើប អង្កេត របស់អាជ្ញាធរប្រទេសអ៊ីតាលី នឹងត្រូវបានក្រុមជំនាញ រឹបអូសយកវិក្កយបត្រ និងរបាយការណ៍ហិរញ្ញវត្ថុ​ ដែលទាក់ទងនឹងការផ្ទេរយកកីឡាករ ៤២រូប ដែលខុសច្បាប់រួមមាន កីឡាករ Cristiano Ronaldo,​ Joao Cancelo, Authur Melo,​ និង​ Danilo ផងដែរ។ ករណីខុសច្បាប់នេះគឺមានន័យថា ក្រុមការងារខាង Juventus បានកេងប្រវ័ញ្ចតម្លៃខ្លួនកីឡាករ ដោយគំនិតនេះបានគួបផ្សំឡើងដោយលោក Andrea Agnelli, Pavel Nedved និង Fabio Paratici ហើយបច្ចុប្បន្នខាងក្រុម Spurs ក៏បានសហការចូលរួមជួយក្នុងការស៊ើបអង្កេតនេះដែរ។

https://s9.kh1.co/__image/w=650,h=364,q=100/d7/d74f1d7057f43285f0d1fe211a4d2e29a07ed2d2.png
លោក Andrea Agnelli, Pavel Nedved និង Fabio Paratici

ប្រធានក្រុមហ៊ុនហិរញ្ញវត្ថុ​អន្តរជាតិ HLB International លោក Marco Donzelli បាននិយាយថា៖

នេះគឺជាបញ្ហាដ៏ក្តៅគគុកមួយ ប្រសិនបើយើងរកឃើញថា Juventus ប្រាកដជាបានកេងប្រវ័ញ្ចផលប្រយោជន៍​ ពីក្លិបដែលជាដៃគូមែននោះ ខាងសហព័ន្ធកីឡាករ និង អាជ្ញាធរ នៃប្រទេសអ៊ីតាលី ប្រាកដជាត្រូវដាក់ទោសពួកគេជាចាំបាច់ ហើយនឹងទាមទារឲ្យពួកគេចេញមុខមកទទួលខុសត្រូវចំពោះបញ្ហានេះជាសាធារណៈ។ លើសពីនេះទៅទៀត ដើម្បីជាការ ការពារ ការធ្វើបាតុកម្មពីក្រុមអ្នកគាំទ្រ ខាងក្រុមប្រឆាំងអំពើទុករលួយ នឹងចាត់វិធានការ ទម្លាក់ក្រុម Juventus ឲ្យទៅលេងនៅលីគទី២ តែម្តង៕

លោក Marco Donzelli
https://s9.kh1.co/__image/w=480,h=480,q=100/5c/5c1cc9fcc6180023d4ee4e762e41e3686b4febb2.png
លោក Marco Donzelli

ប្រភពSportbible

Tochbon Nimith
តូចបុណ្ណ និម្មិត

អត្ថបទទាក់ទង