អ្នកជំនាញផ្នែកបណ្ដាញទូរសព្ទចល័ត ណែនាំមិនឲ្យប្រើប្រាស់ ឧបករណ៍ «ពង្រីកសេវាទូរសព្ទ» ទេ - Khmerload

អ្នកជំនាញផ្នែកបណ្ដាញទូរសព្ទចល័ត ណែនាំមិនឲ្យប្រើប្រាស់ ឧបករណ៍ «ពង្រីកសេវាទូរសព្ទ» ទេ

https://s9.kh1.co/b4/b420512fa43834fb9ac1bbe2e6673158119781d5.png
បច្ចេកវិទ្យា
 30-Nov-2021 10am · 2 months ago

អ្នកជំនាញមកពីក្រសួងប្រៃសណីយ៍ និងទូរគមនាគមន៍ និង អ្នកជំនាញផ្នែកបណ្ដាញ ទូរសព្ទចល័តបាន ទទូចឲ្យប្រជាជនកុំនាំគ្នាប្រើឧបករណ៍ «ចាប់ឬពង្រីក សេវាទូរសព្ទ»

ភ្នំពេញ៖​ អ្នកជំនាញផ្នែកបណ្ដាញ ទូរសព្ទចល័តបាន ទទូចឲ្យប្រជាជនកុំនាំគ្នាប្រើឧបករណ៍ «ចាប់ឬពង្រីក សេវាទូរសព្ទ» (repeater ឬ signal booster) ដើម្បីដោះស្រាយបញ្ហា សេវាទូរសព្ទចល័ត ខ្សោយ ។

អ្នកជំនាញ បាននិយាយថាឧបករណ៍ ចាប់សេវាទូរសព្ទដែលគ្មានការអនុញ្ញាត ពីក្រសួងពាក់ព័ន្ធ គឺមិនបានជួយដោះស្រាយបញ្ហា ខ្សោយ សេវាទូរសព្ទនោះទេ ប៉ុន្តែផ្ទុយទៅវិញ ឧបករណ៍ទាំងនោះ បង្កការរំខានដល់ស្ថានីយ ផ្សាយសេវារបស់ក្រុមហ៊ុនបណ្ដាញ ទូរសព្ទចល័តទៅវិញទេ ។ ជាងនេះទៅទៀត ការទិញលក់ដំឡើងនិងប្រើប្រាស់ឧបករណ៍ ទាំងនេះដោយគ្មានអាជ្ញាបណ្ណ គឺជាទង្វើខុសច្បាប់ ដែលអាចនឹងត្រូវប្រឈមមុខនឹង ច្បាប់ស្ដីពីទូរគមនាគមន៍កម្ពុជា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=650,h=308,q=100/67/670f16c167077e6d364b965b2b3c37b1297ae23b.jpeg
https://s9.kh1.co/__image/w=650,h=308,q=100/92/923c0ca1f922c3bd85f8cf06da318377e36201c1.jpeg

បច្ចុប្បន្នគេឃើញមានការត្អូញត្អែរមួយចំនួន នៅលើបណ្ដាញព័ត៌មាន សង្គមអំពីការខ្សោយឬគ្មាន សេវាទូរសព្ទដៃ នៅតាមតំបន់មួយចំនួនដែលជួនកាលសេវាខ្សោយ ឬ គ្មានសេវាតែម្ដង ។

អ្នកជំនាញបានពន្យល់ថា អ្នកដែលបានទិញឧបករណ៍ចាប់សេវាទូរសព្ទ (ឬហៅថា mobile wave amplifiers) បានដំឡើងប្រើប្រាស់ ឧបករណ៍នេះដោយគ្មានការអនុញ្ញាតិដែលនាំ ឲ្យបង្កការរំខានធ្ងន់ធ្ងរទៅលើ ស្ថានីយផ្សាយរបស់ក្រុមហ៊ុន បណ្ដាញទូរសព្ទដែលនាំឲ្យប៉ះពាល់ដល់គុណភាព សេវាដែលផ្ដល់ដល់អតិថិជន ។ អ្នកជំនាញបានបន្តថាឧបករណ៍ ចាប់សេវាទូរសព្ទនេះត្រូវបានគេរកឃើញថា មានប្រើក្នុងចំនួនដ៏ច្រើនគួរសម នៅក្នុងរាជធានីភ្នំពេញនិងខេត្តកណ្ដាល ។

https://s9.kh1.co/__image/w=650,h=650,q=100/9a/9ab10b9a56b7e643d789f398b902192fc3a27dcf.png
រូបតំណាង

យោងតាមអ្នកជំនាញ ឧបករណ៍ចាប់សេវាទូរសព្ទនេះវារំខាន ទៅដល់ ស្ថានីយផ្សាយសេវាដែលនាំ ឲ្យប៉ះពាល់ទៅដល់ គុណភាពសេវា។ ឧបករណ៍ទាំងនេះ រំខានដល់សេវាទូរសព្ទដៃឆ្លងសេវា ធ្វើឲ្យគេមិនអាច កំណត់ហ្រ្វេកង់បាន និង បណ្ដាលឲ្យអ្នកប្រើប្រាស់ដែលរស់ នៅតំបន់ជុំវិញមិនអាចធ្វើការហៅចេញ ឬទទួលទូរសព្ទ ឬប្រើប្រាស់អ៊ីនធឺណិតបាន ។

បើយោងតាមច្បាប់ មានតែសហគ្រាសឬ ក្រុមហ៊ុនដែលផ្ដល់ សេវាទូរសព្ទចល័តប៉ុណ្ណោះ ដែលត្រូវបានអនុញ្ញាតឲ្យ ប្រើប្រាស់ឧបករណ៍បញ្ជូនសេវា ទូរសព្ទចល័តសម្រាប់ការដំឡើង នៅតាមតំបន់នានា ដែលមានសេវាខ្សោយ ដើម្បីធ្វើឲ្យគុណភាពសេវាទូរសព្ទមានភាពល្អប្រសើរ និង មិនបង្កផលរំខានទៅដល់ បណ្ដាញទូរគមនាគមន៍ ចល័តដទៃទៀត ។

ក្នុងករណីដែលសេវាទូរសព្ទ នៅក្នុងតំបន់ណាមួយ មិនឆ្លើយតបទៅតាមតម្រូវការប្រើប្រាស់ ដោយសារតែសេវាខ្សោយពេកអ្នកប្រើប្រាស់ត្រូវធ្វើការទំនាក់ទំនងដោយផ្ទាល់ និង ចូលរួមរាយការណ៍ អំពីបញ្ហានេះ ទៅកាន់ក្រុមហ៊ុនផ្ដល់សេវាទូរសព្ទ ដើម្បីសុំការណែនាំ និងការធានា ផលប្រយោជន៍របស់អ្នកប្រើប្រាស់៕

https://s9.kh1.co/__image/w=650,h=434,q=100/c6/c63387eebe2b07d33ae5247e0e87d26c007f7639.png
រូបតំណាង
Khan Ratanakodum
ខាន់ រតនៈឧត្តម

អត្ថបទទាក់ទង