មិនមែនលំៗទេ! ចៅខ្មែរ និងស្វាមី តស៊ូរាប់ឆ្នាំ ទម្រាំអាចទិញរថយន្តលំដាប់អភិជន គឺមិនមែនរឿងចៃដន្យទេ

ភ្នំពេញ៖ បើនិយាយពីឈ្មោះថា ចៅខ្មែរ គឺប្រាកដជាមានទស្សនិកជនមិនតិចនោះទេ ដែលស្គាល់ឈ្មោះលោកនោះ ដោយលោកធ្លាប់ជាអ្នកសិល្បៈមួយរូប​ ប៉ុន្តែក្រោយមក ចាប់មុខរបរជាអ្នកជំនួញលក់ផលិតផលថែរក្សាសម្រស់តាមបណ្តាញសង្គមវិញម្តង ហើយទទួលបានភាពជោគជ័យយ៉ាងខ្លាំងផងដែរ។

តួយ៉ាង ក្រៅពីភាពជោគជ័យក្នុងមុខជំនួញ ចៅខ្មែរ បានរៀបការជាមួយស្វាមីភេទដូចគ្នា ក្នុងឆ្នាំ២០១៩ ហើយបានចាប់ដៃគ្នាបង្កើតមុខរបររកសុីតាមអនឡាញ​ តាំងពីបាតដៃទទេរ រហូតដល់អាចទិញសម្ភារៈប្រណីតបានតាមចិត្តចង់ ដោយរឿងនេះ គឺពិតជាមិនអាចកើតឡើងបានដោយភាពចៃដន្យនោះឡើយ គឺទាមទារការខិតខំប្រឹងប្រែង និងចិត្តអំនត់។

ដោយឡែក ប្រហែលជាប៉ុន្មានម៉ោងមុននេះ ចៅខ្មែរ និងស្វាមី បានបង្ហោះរូបភាព អំពីសមិទ្ធផលថ្មីក្នុងឆ្នាំ២០២១ជារថយន្ត Ferrariប្រណីតលំដាប់អភិជនពណ៍លឿងមួយគ្រឿង មានតម្លៃខ្ទង់រាប់មុឺនដុល្លារអាមេរិក និងក្រៅពីនេះ លោកបង្ហាញពីអតីតកាលកាលកម្សត់កម្រតាំងពីឆ្នាំ២០១៦ រហូតដល់បច្ចុប្បន្ននេះ មុនពេលប្តីប្រពន្ធទាំងពីរ ឈានមកដល់ចំណុចភាពជោគជ័យបានដូចសព្វថ្ងៃ។

យ៉ាងណាមិញ មហាជន ក៏បានចូលរួមអបអរ និងជូនពរដល់ ប្តីប្រពន្ធទាំងពីរ​ឱ្យ​កាន់តែស្រលាញ់គ្នាខ្លាំងជាងមុនទៀតផងដែរ៕

សូមចូលទស្សនារូបភាពខាងក្រោម៖