ភ្នំពេញ៖ ក្នុងពេលយប់មិញនេះ វីដេអូបទចម្រៀង «Top Of The Lady» របស់ ទេព បូព្រឹក្ស បានបង្ហោះចូលក្នុងយូធូប ដោយមានអ្នកចូលសណ្តាប់យ៉ាងច្រើនកុះករ ដែលរហូតពេលនេះ អ្នកទស្សនាមានចំនួនជិត១លានដងហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ការថតបទចម្រៀងមួយនេះ គឺចំណាយទឹកប្រាក់ដ៏សន្ធឹកសន្ធាប់ដល់ទៅ៦០០លានរៀល ឬ១៥មុឺនដុល្លារអាមេរិក ទៅលើបញ្ចេកទេសនៃការថត ការតុបតែងខ្លួន រៀបចំឆាក តួសម្តែង ជាពិសេស ការរចនាឈុតសម្លៀកបំពាក់គឺឃើញ ថាមានភាពលេចធ្លោ និងសម្រិតសម្រាំងខ្លាំងមិនធម្មតា ក្រៅពីនេះទៀត សម្លៀកបំពាក់ទាំងនេះក៏បានឆ្លុះបញ្ជាំងពីវប្បធម៍របស់ប្រទេសកម្ពុជានាសម័យកាលបុរាណផងដែរ។
យ៉ាងណាមិញ មតិមហាជនជាច្រើន ក៏បានបង្ហាញពីអារម្មណ៍រីករាយ និងរំភើបចំពោះ វីដេអូបទចម្រៀង «Top Of The Lady» ដែលមើលគឺមានការច្នៃប្រឌិត រវាងវប្បធម៍ខ្មែរសម័យបុរាណ ភ្ជាប់នឹងការរ៉េបបែបសម័យថ្មី ដោយមើលទៅគឺពិតអស្ចារ្យណាស់៕
សូមចូលទស្សនារូបភាពខាងក្រោម៖