ញាក់! មកមើលគំរូយន្ដហោះដ៏ទំនើប ដែលមានតម្លៃជាង៤០០លានដុល្លារ

បរទេស៖ យន្តហោះមួយគ្រឿង មានឈ្មោះហៅថា The Explorer ត្រូវបានបង្កើតឡើងដោយក្រុមហ៊ុន German Design Studio Lufthansa Technik ដែលជាយន្ដហោះដ៏ទំនើបយ៉ាងខ្លាំង និងគំរូ ត្រូវបានដាក់បង្ហាញកាលពីដើមខែវិច្ឆិកាកន្លងទៅថ្មីៗនេះ ក្នុងកម្មវិធី Dubai Air Show។

ជាក់ស្ដែង នៅក្នុងយន្តហោះ មានការរចនាឡើងយ៉ាងប្រណិត ដែលរួមមានបន្ទប់គេងទំហំស្ដង់ដារ បន្ទប់ទឹក បន្ទប់ទទួលទានអាហារ ការិយាល័យ បន្ទប់ស៉្បា បារ៍ទទួលទានគ្រឿងស្រវឹង បន្ទប់ពិសោធន៍ និងក្លិបរាំលេងកម្សាន្តបំពាក់ដោយភ្លើងពណ៌ចម្រុះ។ អ្វីកាន់តែពិសេសជាងនេះទៀត គឺពិដានជាកញ្ចក់ដែលអាចឲ្យអ្នកដំណើរមើលឃើញនូវទិដ្ឋភាពផ្ទៃមេឃពេលថ្ងៃ និងពេលយប់បាន ហើយក៏មានយ៉រសម្រាប់ឈរគយគន់ទេសភាពខាងក្រៅផងដែរ។

យ៉ាងណាមិញ ចំពោះតម្លៃរបស់វាវិញ មានតម្លៃដល់ទៅ៣២៥លានផោនឯណោះ (ប្រមាណ៤៣៣,២២៤,០០០ដុល្លារអាមេរិក) ដែលជាតម្លៃមួយថ្លៃបំផុត បើទោះបីជាសម្រាប់មហាសេដ្ឋីក៏ដោយ៕

ប្រភព: Daily Mail

សូមទស្សនារូបភាពខាងក្រោម៖