បរទេស៖ អតីតកីឡាករឆ្នើមរបស់ Barcelona គឺ កីឡាករ Lionel Messi សារភាពថា ខ្លួនហាក់មានអារម្មណ៍ចម្លែក ពេលបានធ្វើមិត្តរួមក្រុម ជាមួយ Sergio Ramos នៅ Paris Saint Germain។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Messi និង Ramos ធ្លាប់ជាដៃគូប្រកួតប្រជែងដ៏កក្រើកនៅលីគកំពូលអេស្ប៉ាញ La Liga អស់ជាច្រើនឆ្នាំ មុននឹងគេបានផ្លាស់មក PSG រួមគ្នាថ្មីៗនេះ ដោយគ្មានតម្លៃខ្លួន។ ជាក់ស្តែង ពួកគេទាំងពីរមិនទាន់បានបង្ហាញខ្លួននៅលើទីលានរួមគ្នាជាផ្លូវការទេ ព្រោះតែ Ramos នៅមានបញ្ហារបួសនៅឡើយ ចំណែកឯ Messi បានបង្ហាញខ្លួន ១០ប្រកួតហើយសម្រាប់ PSG ក្នុងព្រឹត្តិការណ៍ទាំងអស់ និង រកគ្រាប់បាល់បាន ៤គ្រាប់ ផងដែរ។
Messi បាននិយាយថា៖
ខ្ញុំធ្លាប់ស្គាល់គេហើយ ហើយខ្ញុំក៏ដឹងថាគេជាមនុស្សបែបម៉េចដែរ ក៏ប៉ុន្តែវាគ្រាន់តែជារឿងអតីតកាលទេ ព្រោះឥឡូវយើងមានក្តីគោរពចំពោះគ្នាណាស់ មិនថាអតីតកាលយើងជាសត្រូវនឹងគ្នា ក្នុងការប្រកួត El Clasico យ៉ាងម៉េចទេ។ ខ្ញុំមានគេជាមិត្តរួមក្រុម ខ្ញុំមានអារម្មណ៍ថា ចម្លែកណាស់ ហើយខ្ញុំសង្ឃឹមថា គេអាចជាពីរបួសហើយមកជួយក្រុមយើងបានឆាប់ៗ៕
ប្រភព៖ Dailymail
Bong I.T