លេងមែនទែនហើយ! Man Utd ត្រៀមជះលុយធំដើម្បីយកជម្រើសជាតិប្រេស៊ីលរូបនេះមករួមក្រុម

បរទេស៖ ក្លិប Manchester United ត្រូវបានគេរាយការណ៍ថា ចាប់អារម្មណ៍ចង់បានកីឡាករវ័យក្មេង Vinicius Jr ប៉ុន្តែឥឡូវពួកគេបែរសម្លឹងទៅរក Neymar Jr ព្រោះក្លិបរំពឹងថាមានឱកាសច្រើនជាង។

ជាការពិតណាស់ ទោះបីជា Man Utd កំពុងសម្បូរទៅដោយខ្សែប្រយុទ្ធឆ្នើមៗជាច្រើននៅក្នុងក្រុមក៏ដោយ ក៏ប៉ុន្តែបច្ចុប្បន្នពួកគេបាន ចាប់អារម្មណ៍ទៅលើកីឡាករ Neymar បន្ថែម ព្រោះ Neymar ផ្ទាល់​ ក៏ត្រូវបានលេចឮថា ខ្លួនគេចង់ចាកចេញពី PSG ព្រោះ PSG​ មិនអាចជួយគេឲ្យឈ្នះពាន Champion League បានដូចពាក្យសន្យា របស់ពួកគេ មុន Neymar មករួមក្រុម។

បើយោងទៅតាមសារកាសែត El Nacional បានចុះផ្សាយថា​ Neymar ត្រូវបានរំពឹងចង់ឲ្យក្លិបធំៗផ្សេងយកគេចេញពី PSG យូរហើយ ហើយក្រុម Man Utd នេះហើយជាក្រុមដែលកំពុងតែទាក់ទងគេពេលបច្ចុប្បន្ន។ តាមរបាយការណ៍ក៏បានបញ្ចាក់ទៀតថា Neymar​ មិនចង់ចាកចេញពី PSG ទេ ដរាបណាទាល់តែមានក្លិបណាហ៊ានជះលុយធំ ទើបគេយល់ព្រម៕

ប្រភព៖ FourFourTwo