ចេញតាមគ្នាទៅ! អ្នកគាំទ្រ Man Utd នាំគ្នា បង្ហោះសារចង់ឲ្យកីឡាកររូបនេះ ចេញពីក្រុមដូចលោក Solskjaer ដែរ

https://s9.kh1.co/8f/8f5bf48faebb6b9e0da027e5c5d0cdf659b63683.jpg
កីទ្បា
 22-Nov-2021 10am · 10 months ago

ហ្វេនៗក្រុម Man Utd នាំគ្នា បង្ហោះសារចង់ឲ្យកីឡាកររូបនេះ ចេញពីក្រុមដូចលោក Solskjaer ដែរ

បរទេស៖ អ្នកគាំទ្រក្រុម Manchester United ជាច្រើនបាននាំគ្នាបង្ហោះសារ បែបខឹងសម្បារ ចង់ឲ្យខ្សែការពារ Harry Maguire​ ចាកចេញពីក្លិប តាមលោក Ole Gunnar Solskjaer ដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Ole Gunnar Solskjaer និង កីឡាករ Harry Maguire
លោក Ole Gunnar Solskjaer និង កីឡាករ Harry Maguire

ជាការពិតណាស់ លោក Solskjaer ត្រូវបានក្លិប Man Utd បណ្តេញចេញពីតំណែង កាលពីម្សិលមិញនេះ ដោយសារកាដឹកនាំរបស់លោកគ្មានអ្វីល្អប្រសើរឡើយសម្រាប់ក្រុម ជាក់ស្តែងលោកបានមកដឹកនាំ Man Utd ចាប់តាំងពីឆ្នាំ ២០១៩​ មកម្ល៉េះ ហើយមិនទាន់បានឈ្នះពានអ្វីទាល់តែសោះ មួយវិញទៀតសម្រាប់រដូវនេះ លោកដឹកនាំក្រុមបាន ១២ប្រកួត ហើយចាញ់រហូតដល់ទៅ ៥ដងឯណោះ ជាប់ៗគ្នា នៅក្នុងក្របខណ្ឌ Premier League។

លោក Ole Gunnar Solskjaer
លោក Ole Gunnar Solskjaer

បើយោងទៅតាមការបង្ហោះពោលពាក្យលារបស់​ Maguire ទៅកាន់លោក Solskjaer នៅលើបណ្តាញសង្គម Twitter មានអ្នកគាំទ្រក្រុមបិសាចក្រហមជាច្រើនបានយកទៅចែកចាយបន្តនឹងពោលពាក្យថា ចង់ឲ្យរូបគេចេញពីក្រុមដូចលោក Solskjaer ដែរ ចំណែក អ្នកខ្លះទៀតក៏បានរិះគន់គេចង់ឲ្យគេដោះស្លាកប្រធានក្រុមចេញពីដៃ និង អ្នកមួយចំនួនទៀត បានបន្ទោសថា គេនេះហើយដែលជាហេតុផល ធ្វើឲ្យលោក Solskjaer ត្រូវបានបណ្តេញចេញពីក្រុម៕

ប្រភពCaughtoffside

Tochbon Nimith
តូចបុណ្ណ និម្មិត

អត្ថបទទាក់ទង