បរទេស៖ លោក Carlton Cole ផ្តាំទៅអនាគតអ្នកដឹកនាំថ្មីរបស់ក្រុម Manchester United ឲ្យដកកីឡាករ Cristiano Ronaldo ចេញពីក្រុម ប្រសិនជាចង់កសាងអនាគតក្រុមឲ្យល្អជាងនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ បន្ទាប់ការដឹកនាំរបស់លោក Ole Gunnar Solskjaer ត្រូវបានបញ្ចប់ក្រោយបរាជ័យក្រោមថ្វីជើងរបស់ក្រុម Watford ក្នុងលទ្ធផល ៤-១ កាលពីយប់មិញនេះ។ លើសពីនេះ ក៏មានដំណឹងលេចឮថា លោក Brendan Rodgers ដែលជាអ្នកដឹកនាំក្រុម Leicester City អាចនឹងមកបន្តដំណែងរបស់លោក Solskjaer ហើយលោក Cole ក៏មានរឿងខ្លះចង់ផ្តាំទៅអនាគតអ្នកដឹកនាំថ្មីរូបនេះផងដែរ។
លោក Cole បាននិយាយថា៖
អ្នកដឹកនាំដូចជា លោក Brendan គឺជាអ្នកដឹកនាំម្នាក់ដែល សម្លឹងបានវែងឆ្ងាយអំពីអនាគតក្រុម អ៊ីចឹងហើយរឿងដែលលោកត្រូវធ្វើមុនគេគឺ ត្រូវដក Ronaldo ចេញពីក្រុម ទើបអាចកសាងអនាគតក្រុមបាន។ Man Utd មានសមាសភាពកីឡាករវ័យក្មេងច្រើនណាស់ ដែលមិនទាន់ដាក់ប្រើប្រាស់ បូករួមនឹងដំណឹងក្នុងការយកកីឡាករវ័យក្មេង Jude Bellingham មករួមក្រុមទៀត។ Ronaldo គេមានវ័យជ្រេហើយ គេមិនមែនជាអនាគតសម្រាប់ក្រុមទេ លោក Brendan គួរតែដកគេចេញ ហើយចាប់ផ្តើមកសាងកីឡាករក្មេងៗឡើងវិញ ព្រោះពួកគេនៅសល់ពេលច្រើនសម្រាប់ជួយក្រុម៕
ប្រភព៖ Sportskeeda
