កូនខ្មែរត្រូវដឹង! នេះជាប្លង់ប្រាសាទអង្គរវត្តអាយុកាលជាង៣០០ឆ្នាំ ដែលមាននៅប្រទេសជប៉ុន អស្ចារ្យនិងប្រណីតខ្លាំង

យល់ដឹង៖ ជារឿងកម្របានដឹង និងកម្របានឃើញ ក្រោយពេលដែលប្លង់នៃស្ថាបត្យកម្មរបស់ប្រាសាទអង្គរវត្តដ៏មានវ័យចំណាស់មួយផ្ទាំង ត្រូវបានតម្កល់ទុកនៅសុកុកាន់​ (Shokokan) នៃសារមន្ទីរតូគឹហ្កាវ៉ា​ (Tokugawa museum) ក្រុងមីតុ​ (Mito city) ខេត្តអុីបារ៉ាគី​ (Ibaraki prefecture) ប្រទេសជប៉ុន។

យ៉ាងណាមិញ យោងតាមប្រវត្តិនៃការគូសប្លង់ប្រាសាទអង្គរវត្តរបស់កម្ពុជានេះ គឺផ្តើមចេញពីអ្នកស្រាវជ្រាវជនជាតិម្នាក់ឈ្មោះថា​ Fujiwara Tadayoshi ដែលបានចម្លងប្លង់អង្គរវត្តនេះនៅឆ្នាំ១៧១៥​ ពីប្លង់ដេីមដែល​គូរដោយអ្នកបកប្រែម្នាក់មកពីខេត្តណាហ្កាសាគី​ (តំបន់ឃ្យូស៊ូ)​ ឈ្មោះ​ Shimano Kenryo ស្របពេលដែលមានបេសកកម្មមកស្រុកខ្មែរក្នុងពេលជប៉ុនកំពុងស្ថិតក្រោមការគ្រប់គ្រងរបស់តូគឹហ្កាវ៉ា​ សូហ្គុន​ អុីអេមីត្សឹ​ ទី៣​ (លោកមកស្រុកខ្មែរតាមកប៉ាល់របស់ពួកហូឡង់)។ 

សូមរំលឹកផងដែលថា ប្លង់ប្រាសាទអង្គរវត្តដែលចម្លងដោយជនជាតិជប៉ុននោះ គឺត្រូវបានចាត់ទុកថាជាប្លង់គំរូចម្លងនៃសំណង់ស្ថាបត្យកម្មប្រាសាទអង្គរវត្តរបស់កម្ពុជា ដែលមានវ័យចំណាស់មួយ ពោលគឺមានអាយុកាលជាង៣០៦ឆ្នាំមកហើយ បើគិតមកត្រឹមឆ្នាំ២០២១នេះ៕

ប្រភពរូបភាព និងព័ត៌មាន៖ គណនីហ្វេសប៊ុកញឹម សុធាវិន្ទ

ចង់ជ្រាបកាន់តែច្បាស់ សូមទស្សនារូបភាពខាងក្រោមទាំងអស់គ្នា៖