នេះជាលើកដំបូងបង្អស់ ដែលក្រុមតារាវិទូបានរកឃើញតម្រុយ ភពនៅខាងក្រៅកាឡាក់ស៊ីរបស់យើង

បរទេស៖ តារាវិទូបានរកឃើញតម្រុយនៃអ្វី ដែលអាចជាភពដំបូងគេ ដែលត្រូវបានរកឃើញនៅខាងក្រៅកាឡាក់ស៊ីរបស់យើង។ ភពជិត៥,០០០ដែលបានវិលជុំវិញផ្កាយរបស់វា ក្រៅពីព្រះអាទិត្យរបស់យើង ត្រូវបានគេរកឃើញមកទាល់ពេលនេះ ប៉ុន្តែភពទាំងនេះសុទ្ធតែស្ថិតនៅក្នុងកាឡាក់ស៊ីមីលគីវ៉េរបស់យើង។

សញ្ញាភពដែលអាចរកឃើញដោយតេឡេទស្សន៍ Chandra X-Ray គឺស្ថិតនៅក្នុងកាឡាក់ស៊ី Messier 51។ វាស្ថិតនៅចម្ងាយប្រហែល២៨លានឆ្នាំពន្លឺ ពីកាឡាក់ស៊ីមីលគីវ៉េ។ លទ្ធផលថ្មីនេះគឺផ្អែកទៅលើការឆ្លងកាត់ ដែលការធ្វើដំណើរនៃភពមួយនៅពីខាងមុខផ្កាយមួយ ហើយបានបាំងពន្លឺ និងកម្រិតពន្លឺមានការថយចុះ ដែលអាចចាប់បានដោយប្រើតេឡេទស្សន៍។ ជាទូទៅ បច្ចេកទេសនេះត្រូវបានគេប្រើប្រាស់រួចហើយ ដើម្បីស្វែងរកភពក្រៅរាប់ពាន់។

ដុកទ័រ Rosanne Di Stefano និងសហការីបានស្វែងរកការថយចុះនៃពន្លឺនៃកាំរស្មីអ៊ិច ដែលទទួលបានពីប្រភេទនៃអង្គ ដែលគេស្គាល់ថា X-ray bright binary។ ក្រុមការងារបានប្រើប្រាស់វិធីសាស្ត្រនេះ ដើម្បីស្វែងរកបេក្ខជនភពក្រៅ នៅក្នុងប្រព័ន្ធពន្លឺភ្លោះ ហៅថា M51-ULS-1៕

ប្រភព: BBC