ចិន៖ បុរសម្នាក់ជាអ្នកមានទ្រព្យស្ដុកស្ដម្ភ និងត្រូវបានគេស្គាល់ថា “Sunwear” បានជិះឡានទំនើបមួយគ្រឿងទៅដកប្រាក់ចំនួន៥លានយ័ន (ប្រមាណ៧៨២,០០០ដុល្លារអាមេរិក) ចេញពីធនាគារមួយកន្លែងក្នុងទីក្រុងសៀងហៃ និងឲ្យបុគ្គលិកអង្គុយពិនិត្យក្រដាសប្រាក់យ៉ាងច្បាស់លាស់អស់រយៈពេលជាង២ម៉ោងដាក់វ៉ាលីកាលពីថ្មីៗកន្លងទៅនេះ ក្រោយពីផ្ទុះកំហឹងទៅលើបុគ្គលិករបស់ធនាគារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង អ្នកមានរូបនេះ បានធ្វើការចោទប្រកាន់ទៅលើបុគ្គលិករបស់ធនាគារថា មានអក្បកិរិយានៃការបម្រើសេវាកម្មអាក្រក់បំផុត ខណៈដែលគាត់មានប្រាក់រាប់លានដាក់ក្នុងធនាគារ។ ហើយបើតាមការអះអាងរបស់ខាងធនាគារវិញ បានបកស្រាយដែរថា ដើមហេតុនៃការផ្ទុះកំហឹង គឺដោយសារតែសន្ដិសុខបានស្នើសុំឲ្យគាត់ពាក់ម៉ាស់ការពារ អំឡុងពេលចូលក្នុងធនាគារប៉ុណ្ណោះ។
យ៉ាងណាមិញ បុរសជាអ្នកមាន មិនបានបញ្ជាក់ពីអាក្បកិរិយារបស់បុគ្គលិកយ៉ាងម៉េចឲ្យបានជាក់លាក់ ដែលធ្វើឲ្យគាត់ផ្ទុះកំហឹងឡើយ។ ហើយគាត់នឹងទៅដកប្រាក់រហូតទាល់តែអស់គ្មានសល់ចេញពីក្នុងធនាគារ និងយកទៅដាក់នៅធនាគារផ្សេងទៀតផងដែរ៕
ប្រភព: Mirror
សូមទស្សនារូបភាពខាងក្រោម៖