អ្នកលេងបណ្ដាញសង្គមថៃ ចែករំលែកវិធីការពារឡានពីទឹកជំនន់ ដោយយកថង់ផ្លាស្ទិករុំជិត

ថៃ៖ អំឡុងពេលមានភ្លៀងធ្លាក់ខ្លាំង បានបង្កឲ្យមានទឹកជំនន់នៅតាមតំបន់ និងបណ្ដាខេត្តមួយចំនួន ដែលក្លាយទៅជាការព្រួយបារម្ភមួយសម្រាប់ប្រជាពលរដ្ឋ ក្នុងការរស់នៅ និងការការពារទ្រព្យសម្បត្តិរបស់ពួកគេ។ ហើយខេត្តដែលងាយរងគ្រោះពីទឹកជំនន់មានចំនួន១២ខេត្តដូចជា ខេត្តភីចិត ខេត្តឆៃយ៉ាភូមិ ខេត្តនគររាជសីមា ខេត្តខនកេន និងណាខនសាវ៉ាន់ជាដើម។

ទន្ទឹមនឹងនេះដែរ កាលពីថ្ងៃទី២៦ ខែកញ្ញាកន្លងទៅនេះ មានហ្វេសប៊ុកផេកថៃមួយបានចែករំលែកពីវិធីការពាររថយន្ដ ដោយបង្ហោះរូបភាពប៉ុន្មានសន្លឹក ដែលបង្ហាញឲ្យឃើញពីការយកចង់ផ្លាស្ទិកមិនជ្រាបទឹកដ៏ធំមករុំឲ្យជិតរថយន្ដដើម្បីការពារមិនឲ្យខូចខាត នៅពេលដែលទឹកជំនន់វាយលុក។ ហើយរូបភាពទាំងនេះ ជារូបភាពចាស់ៗ ដែលជាបទពិសោធន៍តាំងពីគ្រោះទឹកជំនន់ឆ្នាំ២០១១មកម៉្លេះ។

យ៉ាងណាមិញ ចំពោះវិធីការពារខាងលើនេះ មានមហាជនមួយចំនួនបានយល់ឃើញថា វាអាចការពារបាន នៅពេលដែលទឹកជំនន់មានសភាពស្រាលប៉ុណ្ណោះ តែប្រសិនបើទឹកជំនន់វាយលុកខ្លាំងវិញ គឺរថយន្ដនឹងត្រូវខូចខាតភ្លាម ដូច្នេះហើយវិធីដែលល្អបំផុត គឺជម្លៀសរថយន្ដទៅកាន់ទីទួលសុវត្ថិភាព៕

ប្រភព: hilight / hongtengone

សូមទស្សនារូបភាពខាងក្រោម៖