អគារដ៏ធំអស្ចារ្យនេះ នឹងចាប់ផ្ដើមគម្រោងសាងសង់ឆាប់ៗនេះហើយនៅអាហ្វ្រិកខាងកើត - Khmerload

អគារដ៏ធំអស្ចារ្យនេះ នឹងចាប់ផ្ដើមគម្រោងសាងសង់ឆាប់ៗនេះហើយនៅអាហ្វ្រិកខាងកើត

https://s9.kh1.co/a4/a4a1703de8d79ea35af9afd5b0a8cfde92e3f7f2.jpg
ប្លែកៗ
 22-Sep-2021 2pm · 2 months ago

នឹងត្រូវសាងសង់លើផ្ទៃដីទំហំជាង៣៧០.០០០ម៉ែត្រការ៉េ

អាហ្វ្រិកខាងកើត៖ អគារហ្សានហ្សីបាដូមីណូ (Zanzibar Domino) ជាអគារខ្ពស់កប់ពពកនៃរមណីយដ្ឋានកោះដ៏អស្ចារ្យ ដែលមើលទៅរូបរាងរបស់វាដូចជាល្បែងយក្សដូមីណូអីចឹង។

តាមប្រភពព័ត៌មានបានឲ្យដឹងថា វាត្រូវបានបំផុសគំនិតឡើងដោយលោក Dean-Paul Cassia ជាស្ថាបនិកនិងជានាយករចនានៃក្រុមហ៊ុនស្ថាបត្យកម្ម ដែលមានមូលដ្ឋាននៅទីក្រុងញូវយ៉កនិងឌូបៃ ហើយគាត់បានគូសគំរូនៃអគារ តាំងពីគាត់នៅទីក្រុងបារីស ក្នុងឆ្នាំ២០០៩មកម៉្លេះ ក្រោយពីឪពុករបស់គាត់បានលេងល្បែងដូមីណូជុំគ្នាជាមួយគាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាងគាត់បានស្រមៃចង់បង្កើតគម្រោងនៃការសាងសាង់អស់រយៈពេលជាងមួយ១០ឆ្នាំមកហើយ ហើយអគារនេះនឹងត្រូវសាងសង់លើផ្ទៃដីទំហំជាង៣៧០.០០០ម៉ែត្រការ៉េ ដែលភ្ជាប់ដោយស្ពានទៅកាន់ឆ្នេរសមុទ្រហ្សង់ហ្សីបាខាងលិចចម្ងាយ១៥នាទីពីតំបន់បេតិកភណ្ឌពិភពលោក Stone Town។ នៅផ្នែកខាងក្រោម នឹងមានអាងចិញ្ចឹមត្រី ការតាំងពិព័រណ៍ និងកន្លែងសន្និសីទអន្តរជាតិជាដើម ដែលសម្រាប់ប្រតិភូរហូតដល់ទៅ១,០០០នាក់ផងដែរ។ នៅផ្នែកខាងក្រៅវិញ នឹងមានការរួមបញ្ជូលនៃកន្លែងលក់អាហារ ភេសជ្ជៈ ក្លឹបជិះទូកកម្សាន្ត អាងហែលទឹកគ្មានដំបូល និងរោងកុន។ បន្ថែមពីនេះទៀត វានឹងមានទីលានវាយកូនហ្គោល និងកន្លែងរៀបអាពាហ៍ពិពាហ៍ដែលអាចចូលទៅដល់ដោយស្ពានឆ្លងកាត់ទឹកទៀតផង។

យ៉ាងណាមិញ ជុំវិញគម្រោងសាងសង់ខាងលើនេះ ដើមឡើយសម្រាប់ឆ្នេរសមុទ្រហាឡុង នៅប្រទេសវៀតណាម ប៉ុន្ដែបានប្ដូរទៅកាន់ហ្សង់ហ្ស៊ីបាកាលពីឆ្នាំមុនវិញ ហើយចំពោះការសាងសង់ គ្រោងនឹងចាប់ផ្ដើមក្នុងរយៈពេលប្រាំមួយខែខាងមុខនេះផងដែរ៕

ប្រភព: Daily Mail

សូមទស្សនារូបភាពខាងក្រោម៖

https://s9.kh1.co/__image/w=650,h=813,q=100/f7/f769484865d72df4d69bbdf1d955df7c869f0b70.jpg
រូបភាពគំរូ
https://s9.kh1.co/__image/w=650,h=756,q=100/01/017ec61c510a30cbeff8ec02a31a046d00fca27f.jpg
រូបភាពគំរូ
https://s9.kh1.co/__image/w=576,h=720,q=100/47/47133e02174962610be7496b7d4de407a72e40ab.jpg
រូបភាពគំរូ
https://s9.kh1.co/__image/w=650,h=370,q=100/e7/e7ae35847f25f7da996ee8f2c071ee0581c6d78c.jpg
រូបភាពគំរូ
https://s9.kh1.co/__image/w=650,h=357,q=100/21/21289409019fed5a49b7e23e7b8c4364372a0e9a.jpg
រូបភាពគំរូ
https://s9.kh1.co/__image/w=650,h=783,q=100/02/02e42e4c88097ed44029e0eca5aaf20a20c7639a.jpg
រូបភាពគំរូ
Meas Chandara
D.R

អត្ថបទទាក់ទង