ឥណ្ឌា៖ កាលពីចុងសប្ដាហ៍មុននេះ បុគ្គលិករបស់ក្រុមហ៊ុនអាកាសចរណ៍ Air India មានការភ្ញាក់ផ្អើលយ៉ាងខ្លាំង ដោយសារពួកគេមានសុនខពណ៌សមួយក្បាល ត្រូវធ្វើដំណើរលើយន្ដហោះ បន្ទាប់ពីស្ត្រីម្នាក់ដែលជាម្ចាស់របស់វា បានកក់យន្ដហោះលំដាប់អ្នកជំនួញមួយទាំងមូលចំនួន១២កៅអី សម្រាប់ធ្វើដំណើរប្រកបដោយផាសុកភាពពីទីក្រុងបុមបៃ ឆ្ពោះទៅកាន់ទីក្រុងឆេនណៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ថ្លៃសំបុត្រយន្ដហោះសម្រាប់មួយកៅអីលំដាប់អ្នកជំនួញរបស់ក្រុមហ៊ុនអាកាសចរណ៍នេះ មានតម្លៃប្រហែល២០,០០០រ៉ូពី (ប្រមាណ២៧១ដុល្លារអាមេរិក) ដូច្នេះមានន័យថាអ្នកស្រីត្រូវចំណាយអស់ទឹកប្រាក់ចំនួន២៤០,០០០រ៉ូពីឯណោះ (ប្រមាណ៣,២៥៤ដុល្លារអាមេរិក)។
ទន្ទឹមនឹងនេះដែរ ខាងក្រុមហ៊ុនអាកាសចរណ៍បានឲ្យដឹងថា វាកម្រណាស់ដែលមានអ្នកដំណើរកក់យន្ដហោះលំដាប់អ្នកជំនួយមួយទាំងមូល តែវាមិនមែនជារឿងចម្លែកទេ ដែលពួកគេបានឃើញសត្វចិញ្ចឹមហោះហើរ។ ហើយចំពោះអ្នកដំណើរណាដែលចង់ធ្វើដំណើរជាមួយសត្វចិញ្ចឹម គឺត្រូវមានប័ត្រចាក់វ៉ាក់សាំងសុខភាព និងជំងឺឆ្កែឆ្កួតផងដែរ។ ចំពោះទម្ងន់សត្វចិញ្ចឹមវិញ គឺត្រូវតិចជាង៥គីឡូក្រាម ហើយម្ចាស់និងវា ត្រូវទៅអង្គុយនៅជួរចុងក្រោយនៃកាប៊ីន៕
Bong I.T