សុនខត្រចៀកវែងបំផុតលើពិភពលោក ជាប់ឯតទគ្គកម្មហ្គីនណេសឆ្នាំ២០២១ (មានវីដេអូ) - Khmerload

សុនខត្រចៀកវែងបំផុតលើពិភពលោក ជាប់ឯតទគ្គកម្មហ្គីនណេសឆ្នាំ២០២១ (មានវីដេអូ)

https://s9.kh1.co/21/215099a531d1694088f67e17b6318b826f505d51.jpg
ប្លែកៗ
 19-Sep-2021 9am · 2 months ago

ត្រចៀកទាំងសងខាងរបស់វាមានប្រវែងវែងជាងសុនខដទៃទៀត ដែលមានប្រវែងដល់ទៅជិត៣៤សង់ទីម៉ែត្រឯណោះ។

អាមេរិក៖ សុនខញីមួយក្បាលឈ្មោះថា Lou មកពីរដ្ឋ Oregon នៃសហរដ្ឋអាមេរិក បានក្លាយជាម្ចាស់កំណត់ត្រាពិភពលោកហ្គីនណេស ដោយសារតែត្រចៀកទាំងសងខាងរបស់វាមានប្រវែងវែងជាងសុនខដទៃទៀត ដែលមានប្រវែងដល់ទៅជិត៣៤សង់ទីម៉ែត្រឯណោះ។

ស្ត្រីជាម្ចាស់សុនខមួយក្បាលនេះ មានអាជីពជាអ្នកជំនាញខាងផ្នែកបសុពេទ្យ បានឲ្យដឹងថា នាងតែងតែលេងសើចចំពោះត្រចៀករបស់សុនខជានិច្ច ហើយខណៈជំងឺកូវីដ-១៩កំពុងរាតត្បាតឥតឈប់ឈរ នាងក៏បានចំណាយពេលនៅតែផ្ទះ និងចាប់អារម្មណ៍លើការវាស់ប្រវែងត្រចៀករបស់វាតែម្ដង។ ក្រោយពីសុនខជាប់ឯតទគ្គកម្មហ្គីនណេសមក នាងពិតជាមានមោទកភាពចំពោះវាយ៉ាងខ្លាំង ដែលវាមានលក្ខណៈពិសេសមិនត្រឹមតែត្រចៀកវែងឡើយ សូម្បីតែរោមក៏មានភាពទន់ល្មើយផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ងាកទៅសត្វខ្លាវិញ មានមួយក្បាលមកពីរដ្ឋ Illinois នៃសហរដ្ឋអាមេរិ ដែលបាត់បង់ជីវិតក្នុងឆ្នាំ២០០៩ នៅតែរក្សាកំណត់ត្រាត្រចៀកវែងបំផុតមិនធ្លាប់មានរបស់វាដដែល ដោយម្ខាងប្រវែងជិត៣៥សង់ទីម៉ែត្រ និងម្ខាងទៀត៣៤.២៩សង់ទីម៉ែត្រ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖

https://s9.kh1.co/__image/w=634,h=423,q=100/24/2417b054a635cd642d9fe79eefddb92e3b74a890.jpg
រូបភាព
https://s9.kh1.co/__image/w=634,h=527,q=100/ae/ae21d2825cf7cf850ddfbb79f4ddc9553a9ab8be.jpg
រូបភាព
វីដេអូ
Meas Chandara
D.R

អត្ថបទទាក់ទង