បុរសរូបនេះអះអាងថា គាត់គេងមួយថ្ងៃ៣០នាទីប៉ុណ្ណោះ អស់រយៈពេល១២ឆ្នាំហើយ - Khmerload

បុរសរូបនេះអះអាងថា គាត់គេងមួយថ្ងៃ៣០នាទីប៉ុណ្ណោះ អស់រយៈពេល១២ឆ្នាំហើយ

https://s9.kh1.co/9b/9b21ed194a304d2257d1a75f57ae20e50ebb799a.jpg
ប្លែកៗ
 17-Sep-2021 10am · 2 months ago

បុរសរូបនេះ មានមុខងារជាប្រធាន សមាគមអ្នកគេងតិចជប៉ុន ហើយឥឡូវនេះ គាត់កំពុងបង្រៀនអ្នកផ្សេងទៀតពីវិធីកាត់បន្ថយពេលវេលានៃការគេង

ជប៉ុន៖ បុរសជប៉ុនម្នាក់មានឈ្មោះថា Daisuke Hori អាយុ៣៦ឆ្នាំ បានចំណាយពេលប៉ុន្មានឆ្នាំចុងក្រោយនេះ ដើម្បីបណ្ដុះបណ្ដាលចិត្ត និងរាងកាយរបស់គាត់ឲ្យដំណើរការលើការគេងតិចម៉ោង តាមដែលអាចធ្វើទៅបាន ខណៈគាត់បានអះអាងថា គាត់គេងតែ៣០នាទីប៉ុណ្ណោះក្នុងមួយថ្ងៃ ហើយមិនបានធ្វើឲ្យគាត់អស់កម្លាំងទាល់តែសោះ។

តាមប្រភពព័ត៌មានបានឲ្យដឹងថា បុរសរូបនេះ មានមុខងារជាប្រធាន សមាគមអ្នកគេងតិចជប៉ុន ហើយឥឡូវនេះ គាត់កំពុងបង្រៀនអ្នកផ្សេងទៀតពីវិធីកាត់បន្ថយពេលវេលានៃការគេងប្រចាំថ្ងៃរបស់ពួកគេ ដើម្បីឲ្យពួកគេអាចរីករាយនឹងជីវិតកាន់តែច្រើនឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង កាលពីថ្មីៗនេះ គាត់ត្រូវបានបង្ហាញខ្លួននៅក្នុងកម្មវិធីទូរទស្សន៍ដ៏ពេញនិយមរបស់ប្រទេសជប៉ុន ដែលគាត់បាននិយាយអំពីកាលវិភាគនៃការគេងដ៏ចម្រូងចម្រាសរបស់គាត់ឲ្យគេដឹង។ ជាក់ស្ដែងគាត់តែងតែមានអារម្មណ៍ថាធ្វើការ១៦ម៉ោង មិនគ្រប់គ្រាន់សម្រាប់ធ្វើអ្វីគ្រប់យ៉ាង ដែលគាត់ចង់បានជារៀងរាល់ថ្ងៃឡើយ។ ហើយនៅចំណុចមួយ គាត់បានចាប់ផ្ដើមស្រាវជ្រាវ និងពិសោធដោយកាត់បន្ថយទម្លាប់នៃការគេងប្រចាំថ្ងៃរបស់ថ្ងៃ និងអស់រយៈពេលជាច្រើនឆ្នាំ ការគេងពី៩ម៉ោង បានធ្លាក់មកត្រឹមគេងកន្លះម៉ោង ដែលគាត់នៅតែមានសុខភាពល្អ និងស្វាហាប់ដដែល។

ទន្ទឹមនឹងនេះដែរ ខាងអ្នកផលិតកម្មវិធីទូរទស្សន៍ បានស្នើសុំតាម និងផ្ដិតយកសកម្មភាពនៃការរស់នៅរបស់គាត់ រយៈពេលបីថ្ងៃ ហើយគាត់ក៏បានយល់ព្រម និងជាលទ្ធផល គាត់ពិតជាបានគេងតែកន្លះម៉ោងពិតមែន តែមានថ្ងៃខ្លះតិចជាកន្លះម៉ោងទៀតផងដែរ។ សកម្មភាពរបស់គាត់​ មានដូចជាហាត់ប្រាណ អានសៀវភៅ សរសេរអត្ថបទខ្លះៗប្រចាំសប្ដាហ៍ លេងវីដេអូហ្គេម បង្កើតវីដេអូខ្លីៗអំពីការគេងលក់ស្រួល ជជែកកម្សាន្តជាមួយអ្នកលេងបណ្ដាញអ៊ីនធឺណេត និងចេញទៅជួបមិត្តភក្ដិ ដើម្បីទទួលទានអាហារពេលល្ងាចជាដើម។

យ៉ាងណាមិញ គាត់ក៏បានទទួលស្គាល់ដែរថា គាត់ពិតជាងងុយគេងពេលខ្លះ តែគាត់បានព្យាយាយទទួលទានជាតិកាហ្វេអ៊ីន ដើម្បីកុំឲ្យងងុយគេង និងអាចមានពេលធ្វើសកម្មភាពផ្សេងៗបាន។ ហើយបើទោះបីជា គាត់បានបង្ហាញពីទម្លាប់នៃការគេងមិនប្រក្រតីតាមរយៈកញ្ចក់ទូរទស្សន៍ក៏ដោយ ក៏មានមនុស្សមួយចំនួនមិនជឿជាក់លើការអះអាងរបស់គាត់ផងដែរ៕

ប្រភព: Odditycentral

សូមទស្សនារូបភាពខាងក្រោម៖

https://s9.kh1.co/__image/w=640,h=415,q=100/2e/2e287105965e6778891fc7aeb8f6b01e71ee8ac7.jpg
លោក Daisuke Hori
https://s9.kh1.co/__image/w=640,h=426,q=100/91/9161675706754f7ee54211fb0da24e054b2fe291.jpg
លោក Daisuke Hori
https://s9.kh1.co/__image/w=650,h=367,q=100/6a/6a416772b86bd622b3e23ec5351b6678007f39bc.jpg
លោក Daisuke Hori
https://s9.kh1.co/__image/w=650,h=367,q=100/44/44bf8928e35648977415eb4879a68fc0617a9187.jpg
សកម្មភាពនៃក្រុមការងារទូរទស្សន៍តាមដានគាត់
https://s9.kh1.co/__image/w=650,h=367,q=100/b1/b1ce0775d3102d1257c21d8913a32ada4a01e73c.jpg
សកម្មភាពនៃក្រុមការងារទូរទស្សន៍តាមដានគាត់
https://s9.kh1.co/__image/w=650,h=367,q=100/ff/ffdcb00c70f4ad24b570d18b9899579d15127883.jpg
សកម្មភាពនៃក្រុមការងារទូរទស្សន៍តាមដានគាត់
https://s9.kh1.co/__image/w=650,h=367,q=100/51/51f6e4808199375087c5deb70bbf893cb42bf010.jpg
សកម្មភាពនៃក្រុមការងារទូរទស្សន៍តាមដានគាត់
https://s9.kh1.co/__image/w=650,h=364,q=100/89/8976040bb2f0abf8a6f500b7b0d92a7843007480.jpg
សកម្មភាពនៃក្រុមការងារទូរទស្សន៍តាមដានគាត់
https://s9.kh1.co/__image/w=650,h=367,q=100/e1/e109db8fcde259ca81c61ce37dc61bf68477ef59.jpg
សកម្មភាពនៃក្រុមការងារទូរទស្សន៍តាមដានគាត់
Meas Chandara
D.R

អត្ថបទទាក់ទង