អ្នកណាហ្វេនរឿង Vincenzo ខ្លះ ពេលនេះបានក្លាយជាប្រធានបទដ៏ក្តៅគគុកមួយនៅទូទាំងពិភពលោក ដោយសារតែ...

កូរ៉េខាងត្បូង ៖ ជឿជាក់ថា ប្រិយមិត្តអ្នកគាំទ្រជាច្រើនប្រាកដជាបានដឹង និងស្គាល់រួចមកហើយ នូវរឿងដ៏ល្បី Vincenzo ដែលជាខ្សែភាពយន្តភាគរបស់កូរ៉េខាងត្បូង ក្នុងនោះអ្នកសម្តែងជាតួឯងគឺ Song Joong Ki។ក្រោយពីរឿងនេះបានបញ្ចប់ ពេលនេះរឿង Vincenzo នេះ ក៏បានក្លាយជា ប្រធានបទដ៏ក្តៅគគុកមួយនៅទូទាំងពិភពលោក និងកាន់តែខ្លាំងឡើង សូម្បីតែបន្ទាប់ពីរឿងមួយនេះបានបញ្ចប់ទៅហើយក៏ដោយ។

ថ្មីៗនេះ បន្ទាប់ពីក្រុម BTS ត្រូវបានក្រុមហ៊ុន Louis Vuitton ជ្រើសពួកគេធ្វើជាម៉ូដែល និងបង្ហាញខ្លួននៅក្នុងទីក្រុង Seoul រួមមក វាត្រូវបានអ្នកគាំទ្ររំភើបយ៉ាងខ្លាំង ជាពិសេសគឺ V ដែលហ្វេនបានកត់សម្គាល់ពី ភាពស្រស់ស្អាត និងមន្តស្នេហ៍ ព្រមជាមួយនឹងការសម្តែងទឹកមុខរបស់លោក នៅក្នុងការសម្តែងម៉ូតនោះតែម្តង។

ក្រោយមក​ V ក៏បានបង្កឱ្យមាននិន្នាការមួយគឺ TaehyungxVincenzo កើតឡើង នឹងកាន់តែខ្លាំងក្លានៅទូទាំពិភពលោក ក្រោយអ្នកគាំទ្របានប្រៀបធៀប ចំពោះភាពស្រដៀងគ្នាយ៉ាងខ្លាំង រវាងតារាទាំងពីរគឺ Song Joong Ki និង V។

មិនតែប៉ុណ្ណោះ អ្នកគាំទ្រថែមទាំងប្រាថ្នាចង់ឱ្យ Taehyung ស្ថិតក្នុងរឿង Vincenzo នេះ នៅរដូវកាលទី ២ ផងដែរ ទោះជាវាមិនទាន់ត្រូវបានបញ្ជាក់នៅឡើយក៏ដោយ៕

ជ្រាបកាន់តែច្បាស់ សូមទស្សនារូបភាព និងវីដេអូខាងក្រោម ៖

ប្រភព : Allkpop