អាហ្វ្រិកខាងត្បូង៖ បុរសពីរនាក់ មានភាពតក់ស្លុត និងភ្ញាក់ផ្អើលយ៉ាងខ្លាំង នៅពេលដែលពួកគេបានបោះតង់ក្នុងព្រៃ និងប្រទះឃើញតោមួយក្បាលចេញមកអុកឡុក។

តាមប្រភពព័ត៌មានបានឲ្យដឹងថា លោក Robert អាយុ៤៣ឆ្នាំ និងប្អូនថ្លៃប្រុសរបស់គាត់ឈ្មោះ Andy អាយុ៣៩ បានធ្វើដំណើរទៅបោះបង់នៅក្នុងឧទ្យាន Kgalagadi transfrontier Park នៃប្រទេសអាហ្វ្រិកខាងត្បូង ដើម្បីផ្ដិតយកទិដ្ឋភាពថ្ងៃរះនាពេលព្រឹកព្រលឹម កាលពីថ្ងៃព្រហស្បតិ៍ទី០១ ខែកក្កដាកន្លងទៅនេះ។ លុះនៅវេលាម៉ោងប្រហែល៦:០០នាទីល្ងាច ក៏ស្រាប់តែមានតោមួយក្បាលចេញមក និងសំដៅទៅកាន់ទីកន្លែងបោះតង់ តែសំណាងល្អពួកគាត់ទាំងពីរនៅក្នុងរថយន្ដ ដែលទើបនឹងធ្វើដំណើរវិលត្រលប់ពីដុះសម្អាតធ្មេញវិញ។

យ៉ាងណាមិញ ជុំវិញហេតុការណ៍ខាងលើនេះ មិនបានបង្កឲ្យនរណាម្នាក់គ្រោះថ្នាក់ឡើយ តែតោមួយក្បាលនោះ បានពាំយកខ្ទើយមួយចេញពីតង់ និងធ្វើឲ្យរហែកកាបូបមួយប៉ុណ្ណោះ។ លុះពេលឃើញរថយន្ដបើកសំដៅទៅរកវា និងបាំងផ្លូវចូលតង់ មួយសន្ទុះក្រោយមក វាក៏ចាកចេញពីតង់ចូលទៅក្នុងព្រៃងងឹតបាត់ទៅ៕

សូមទស្សនារូបភាពខាងក្រោម៖

ប្រភព: Daily Mail