Disney កំពុងរងការិះគន់ស្ពឹកមុខ រឿងរើសតួអង្គព្រះនាងព្រិលស មិនដូចសាច់រឿងដើម

បរទេស៖ អ្នកទាំងអស់គ្នាប្រាកដជាស្គាល់រឿងមួយនេះ​ហើយ ព្រះនាងព្រិលស គឺជារឿងបែបគំនូរជីវចលសាច់រឿងមានលាយឡំច្រើនរសជាតិ ការធ្វើបាប ស្នេហា កម្សត់និងកំប្លែង ដែលរឿងមួយនេះមានភាពល្បីល្បាញខ្លាំងរហូតមកដល់សព្វថ្ងៃ។ វាជាដំណឹងល្អមួយដែល ក្រុមហ៊ុន Disney មានគម្រោងផលិតសាច់រឿងមួយនេះសាជាថ្មី ដែលប្ដូរទៅជា តួអង្គមនុស្ស ជាអ្នកសម្ដែងវិញម្ដង។

ប៉ុន្តែទោះជាយ៉ាងណាក៏ដោយ ក្រុមហ៊ុនភាយន្តលំដាប់ពិភពលោកមួយនេះ ត្រូវបានមហាជនខឹងច្រឡោតដោយសារតែរើស តួអង្គព្រះនាងព្រិលសរ ជាជនជាតិស្បែកខ្មៅ។ នេះមិនមែនជាលើកដំបូងទេដែល Disney ត្រូវបានគេចោទបែបនេះ ព្រោះកាលពីពេលថ្មីៗកន្លងទៅ ក្រុមហ៊ុននេះបានបង្ហាញមុខ តួស្រីព្រះនាងមច្ឆា ក្នុងរឿង The little mermaid ដែលមានរូបរាងខុសស្រឡះពី តួរព្រះនាងមច្ឆា នៅក្នុងរឿងគំនូរជីវចល។ 

យោងទៅតាមរឿងគំនូរជីវចលមុនៗដែល Disney បានយកមកផលិតជារឿងមនុស្សសារជាថ្មី ហើយទទួលបានភាពជោគជ័យយ៉ាងខ្លាំងនោះគឺ​ The Beauty and The Beast និង រឿង Aladdin ។ ក្រឡេកមកមើលរឿងក្រោយនេះវិញ Disney បែរជាធ្វើផ្ទុយពីការរំពឹងទុករបស់ទស្សនិកជនទៅវិញ ប៉ុន្ដែតួអង្គព្រះនាងព្រិលសនេះ ត្រូវបានគេនិយាយថា គ្រាន់ជាងតួព្រះនាងមចម្ឆា ។ 

បញ្ជាក់ផងដែរថា រឿង ព្រះនាងព្រិលសរ និង រឿង នាងមច្ឆាតូច នៅមិនទាន់បានចាក់បញ្ចាំងនៅឡើយទេ ព្រោះពេលនេះក្រុមការងារកំពុងតែថតមិនទាន់ចប់។ ទោះយ៉ាងណា ក៏ទស្សនិកជននៅតែមានការរំពឹងពី​ Disney ថា​សាច់រឿងនឹងចេញមកល្អមើលដូចគំនូរជីវចលដែរ៕

ប្រភពពី៖ kenh14.tv