អឺរ៉ុប៖ យោងតាមគេហទំព័រ The Guardian បានឱ្យដឹងថា ក្លិប Inter Milan បានបើកចំហក្នុងការលក់កីឡាករ គោលដៅរបស់ Liverpool ដែលមានឈ្មោះថា Lautaro Martinez ។ ក្រុម Inter មានបញ្ហាហិរញ្ញវត្ថុហើយត្រៀមលក់ខ្សែប្រយុទ្ធវ័យ ២៣ ឆ្នាំរូបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករអន្តរជាតិអាហ្សង់ទីនត្រូវបានផ្សារភ្ជាប់ជាមួយនឹងការផ្លាស់ប្តូរទៅ Liverpool ក្នុងទីផ្សារដោះដូរកីឡាកររដូវក្តៅ។ គេហទំព័រ 90min បានរាយការណ៍នៅខែនេះថា Liverpool ស្ថិតក្នុងចំណោមក្លឹបដែលចាប់អារម្មណ៍ក្នុងការផ្ទេរអតីតកីឡាករវ័យក្មេងក្លឹប Racing Club ។
Martinez បាននៅ Inter តាំងពីឆ្នាំ ២០១៨ និងជួយឱ្យក្រុមឈ្នះជើងឯក Serie A រដូវកាលនេះ ។ កីឡាករវ័យ ២៣ ឆ្នាំរូបនេះបង្ហាញខ្លួនសរុបបាន ៣០ លើក និងបង្ហាញខ្លួនបាន ៨ លើកនៅ Serie A រដូវកាលនេះ និងស៊ុតបញ្ចូលទីបាន ១៧ គ្រាប់និងបញ្ជូនបាន ៦ លើកក្នុងការប្រកួតទាំងនោះ។
ខ្សែប្រយុទ្ធអន្តរជាតិ Lionel Messi របស់ក្រុម Barcelona និងអាហ្សង់ទីនបានពណ៌នាថា Martinez គឺអស្ចារ្យ គួរឱ្យកោតស្ញប់ស្ញែង និងពេញសមត្ថភាព នេះបើតាមការចុះផ្សាយរបស់ Mundo Deportivo ក្នុងខែឧសភា ឆ្នាំ ២០២០ ។ កីឡាករអន្តរជាតិអាហ្សង់ទីនរូបនេះនឹងក្លាយជាកីឡាករដ៏ល្អម្នាក់សម្រាប់ក្រុមហង្សក្រហម Liverpool មិនមែនសម្រាប់តែពេលបច្ចុប្បន្ននេះទេ ប៉ុន្តែក្នុងរយៈពេលវែងផងដែរ៕