ប្រេស៊ីល៖ អត្តពលិក គ្រូបង្វឹកនិងអ្នកសារព័ត៌មានប្រេស៊ីលកាលពីថ្ងៃសុក្របានចាប់ផ្តើមទទួលវ៉ាក់សាំងការពារជំងឺកូវីដ-១៩ ពីក្រុមហ៊ុន Sinovac របស់ប្រទេសចិននិងក្រុមហ៊ុនអាមេរិក Pfizer ក្នុងការរៀបចំត្រៀមសម្រាប់ព្រឹត្តិការណ៍អូឡាំពិកនាទីក្រុងតូក្យូ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រទេសប្រេស៊ីលនឹងចាក់វ៉ាក់សាំងកូវីដ-១៩ ដល់មនុស្សចំនួន ១,៨០០ នាក់ដែលជាប់ទាក់ទងនឹងព្រឹត្តិការណ៍កីឡាអូឡាំពិកនិងប៉ារ៉ាឡាំពិក ដោយវ៉ាក់សាំងជាច្រើនដូសនឹងត្រូវបានផ្ដល់ឲ្យប្រើប្រាស់នៅក្នុងទីក្រុងចំនួន ៦ រួមមានទីក្រុង Rio de Janeiro, Sao Paulo, Fortaleza, Porto Alegre, Brasilia និងទីក្រុង Belo Horizonte ។
កីឡាករបាញ់ធ្នូ Marcus Vinicius D'Almeida មានប្រសាសន៍ថា “ខ្ញុំមានអារម្មណ៍ថាវាផ្តល់ការការពារដល់ខ្ញុំ” ។ “ពួកគេបានរារាំងការចូលរួមរបស់ខ្ញុំនៅក្នុងបណ្តាប្រទេសមួយចំនួន ដូច្នេះឥឡូវនេះខ្ញុំមានអារម្មណ៍ថាខ្ញុំអាចបញ្ចប់ការត្រៀមលក្ខណៈអូឡាំពិករបស់ខ្ញុំដោយមិនចាំបាច់បារម្ភពីការឆ្លងជំងឺឡើយ។”
អត្តពលិកហែលទឹកម៉ារ៉ាតុង Ana Marcela Cunha គឺជាអត្តពលិកដំបូងគេដែលបានទទួលវ៉ាក់សាំងនៅទីក្រុង Rio de Janeiro ។
ម្ចាស់ជើងឯកពិភពលោក ៥ សម័យកាលរូបនេះបាននិយាយថា "សម្រាប់រាល់ដូសនីមួយៗដែលយើងបានកំពុងតែទទួល ពីរដូសត្រូវបានបរិច្ចាគ។ ដូច្នេះតាមរយៈកីឡាបានកំពុងចូលរួមចំណែកយ៉ាងច្រើនដល់សុខុមាលភាពរបស់ប្រជាជនប្រេស៊ីល" ។
ប្រទេសផ្សេងទៀតដែលបានប្រកាសកម្មវិធីចាក់វ៉ាក់សាំងសម្រាប់អត្តពលិកអូឡាំពិករបស់ពួកគេរួមមានប្រទេសអាល្លឺម៉ង់, អូស្រ្តាលី, ប៊ែលហ្សិក, កាណាដា, កូរ៉េខាងត្បូង, ជប៉ុន, ហូឡង់, ហុងគ្រី, អង់គ្លេស, អ៊ីស្រាអែល, លីទុយអានី, ម៉ិកស៊ិកនិងប្រទេសនូវែលសេឡង់។
ព្រឹត្តិការណ៍កីឡាអូឡាំពិកទីក្រុងតូក្យូនឹងចាប់ផ្ដើមដំណើរការពីថ្ងៃទី ២៣ ខែកក្កដាដល់ថ្ងៃទី ៨ ខែសីហាដោយត្រូវបានពន្យារពេលមួយឆ្នាំដោយសារតែជំងឺកូវីដ-១៩ បានឆ្លងរាលដាល។
យោងតាមមន្រ្តីក្នុងតំបន់បានអោយដឹងថាអត្តពលិកប្រេស៊ីលជាង ២០០ នាក់មានលក្ខណៈសម្បត្តិគ្រប់គ្រាន់សម្រាប់ការប្រកួតកីឡានេះ ហើយកីឡាករអាចនឹងឈានដល់ចំនួន ៣០០ នាក់៕
ប្រភព៖ Xinhua News