ក្លិប Barcelona បានទៅជួបអ្នកតំណាង Bayern Munich ដើម្បីយកគ្រូបង្វឹករូបនេះ មកជំនួសលោក Koeman

អឺរ៉ុប៖ យោងតាមរបាយការណ៍បានឱ្យដឹងថា ក្រុមបាសេឡូណាកំពុងពិចារណាយកគ្រូបង្វឹកក្រុម Bayern Munich លោក Hansi Flick ជំនួសតំណែងលោក Ronald Koeman ។

លោក Flick បានបង្ហើបឱ្យដឹងកាលពីខែមុនថា លោកនឹងចាកចេញពី Allianz Arena នៅចុងបញ្ចប់នៃរដូវកាលនេះ ។ គ្រូបង្វឹកវ័យ ៥៦ ឆ្នាំរូបនេះ គឺជាមនុស្សដែលមានចំណាប់អារម្មណ៍ខ្លាំងក្នុងការទទួលយកតំណែងពីលោក Joachim Low ក្នុងនាមជាអ្នកចាត់ការបន្ទាប់របស់ក្លិបអាល្លឺម៉ង់ នៅពេលដែលអ្នកមុនចុះចេញពីតំណែងបន្ទាប់ពីការប្រកួតព្រឹត្តិការណ៍ Euro ២០២០ នៅរដូវក្តៅនេះ។

ទោះយ៉ាងណា ESPN បានអះអាងថា ដោយមិនទាន់មានកិច្ចព្រមព្រៀងណាមួយដែលអាចជឿជាក់បានថានឹងកើតឡើងរវាង Flick ក្លិបអាឡឺម៉ង់ និង Barca នឹងកើតឡើងឆាប់ៗនេះ។

មានការលើកឡើងថា ក្រុមយក្សកាតាឡាន់បានទៅជួបតំណាងរបស់ក្លិបអាឡឺម៉ង់រួចទៅហើយ ដោយលោកប្រធានក្លិប Joan Laporta ជាអ្នកគាំទ្រដ៏ធំរបស់គ្រូបង្វឹករូបនេះ ។

លោក Koeman បានចំណាយពេលតែមួយរដូវកាលនៅឯ Camp Nou ហើយមានរយៈពេលមួយឆ្នាំទៀតដើម្បីដំណើរការលើកិច្ចព្រមព្រៀងរបស់គាត់ ប៉ុន្តែ Barca បានអត់ធ្មត់នឹងការខកចិត្តនៅរដូវកាលឆ្នាំ ២០២០-២១ ។

គួរឱ្យដឹងដែរថា លទ្ធផលស្មើ ៣-៣ កាលពីថ្ងៃអង្គារជាមួយ Levante បានបញ្ចប់ក្តីសង្ឃឹមនៃពានរង្វាន់ La Liga របស់ក្លឹប ហើយពួកគេបានចាកចេញពីក្របខ័ណ្ឌ Champions League ជាមួយនឹងការបរាជ័យក្រោមស្នាដៃក្រុម Paris Saint-Germain នៅវគ្គ ១៦ ក្រុមចុងក្រោយ៕