ផ្លូវការ! ពេលនេះ Zlatan Ibrahimovic បន្តនៅ AC Milan រហូត​ដល់​ខែ​មិថុនា​ ឆ្នាំ ២០២២

បរទេស៖ ខ្សែប្រយុទ្ធវ័យ ៣៩ឆ្នាំសញ្ជាតិស៊ុយអ៊ែត Zlatan Ibrahimovic បានបន្តកុងត្រាថ្មីរបស់ខ្លួន​ជាមួយ​នឹង​ក្លឹប​បាល់​ទាត់ AC Milan ចំនួន​ ១ឆ្នាំទៀតរហូតដល់ខែមិថុនាឆ្នាំ ២០២២ ។ នេះបើយោងតាមលោក Paolo Maldini នាយកប្រតិបត្តិក្លឹប AC Milan បានបញ្ជាក់ថា "កិច្ចព្រមព្រៀងរវាងក្លឹបនិង Zlatan Ibrahimovic បានឈានដល់សេចក្តីសម្រេចហើយ អ្វីគ្រប់យ៉ាងគឺជោគជ័យទាំងអស់ដូចការគ្រោងទុក"។

Zlatan Ibrahimovic នឹងឈានចូលវ័យ ៤០ ឆ្នាំនៅខែតុលាឆ្នាំក្រោយ​។ ហើយកិច្ចព្រមព្រៀងថ្មីរបស់គាត់ត្រូវ​បាន​គេ​រាយការណ៍​ថាមានតម្លៃ ៧ លានអឺរ៉ូ (ប្រហែល ៨,៣ លានដុល្លារ) ក្នុងមួយឆ្នាំ គឺដូចគ្នានឹង​ប្រាក់ខែប្រចាំឆ្នាំរបស់​គាត់​​កាលពីកុងត្រាមុនដែរ។ សូមបញ្ជាក់នៅក្នុងរដូវកាលនេះ Zlatan Ibrahimovic រកបាន ១៦ គ្រាប់ក្នុងចំណោម ២៤ ប្រកួតធ្វើឲ្យ AC Milan ឈរលេខ ២មានកៅអីសម្រាប់លេងពាន UCL នារដូវការក្រោយ៕