តារា​​ប្រុស​​ ១០រូប ដែលចាប់បាន​ឱកាសជា «​​តួឯក» ​​សម្តែង​ជា​​មួយ​​​​កំពូល​​​​តារា​​​​ស្រី Mai Davika

កញ្ញា Mai Davika ជាតួ​សម្ដែងស្រីមួយ ដែល​មានសមត្ថភាពខ្ពស់ និងបាន​សម្ដែង​ជា​តួឯក​នៅក្នុង​រឿង​ភាគ​​ល្បីៗ​ជាច្រើន​ផងដែរ។ កាលពីមុនឆ្នាំ ២០១៧ Mai បានជាប់កុងត្រាជាមួយនឹងក្រុមហ៊ុនមួយ ក្រោយ​​​​មកនាងក៏បានបញ្ចប់កុងត្រានោះ រួចក្លាយជាតារាឯករាជ្យ ដោយនាងអាចថត​សម្ដែងរឿង​ឲ្យបាន​គ្រប់​​ផលិតកម្មទាំងអស់ ដែលមកទាក់ទង ព្រោះវាមានសេរីភាពជាងការដែលនៅ​ក្រោម​កុងត្រា​របស់​ក្រុមហ៊ុន​។

តែបើនិយាយពី តួឯកប្រុសដែលសម្ដែងជាមួយនាងនៅក្នុងរឿងនីមួយៗវិញ​ក៏សុទ្ធតែជា​តារាល្បីប្រចាំ​ប្រទេស​ថៃ​ផងដែរ ដែលក្នុងក៏មានម្នាក់ជាម្ចាស់ចិត្តរបស់នាងរហូតមកទល់សព្វថ្ងៃនេះ។

ខាងក្រោមនេះ ជាតារាប្រុស ដែលធ្លាប់បានចាប់ដៃរួមសម្ដែងរឿងជាមួយតារាស្រី​ Mai Davika នេះ រួមមាន៖

១. Weir Sukollawat បានរួមសម្ដែងជាមួយ Mai Davika បានដល់ទៅ ២ រឿងឯណោះគឺរឿង Ngao Kammathep និងរឿង Roy Lae Sanae Luang ។

២. Mario Maurer​ កំលោះសង្ហាតារាកូនកាត់អាឡឺម៉ង់នេះបានធ្វើការជាគូជាមួយនឹង Mai នៅក្នុង​រឿងមួយគឺ Pee Mak និង Buang Bunjathorn ។

៣. Sunny Suwanmethanont បានសហការសម្ដែងជាមួយនឹង Mai Davika នៅក្នុងរឿង My Ambulance និង Heart Attack ដែលរឿងទាំង ២នេះសុទ្ធតែផ្ទុះការគាំទ្រយ៉ាងខ្លាំង។   

៤. Ter Chantavit នេះមិនមែនគ្រាន់តែធ្លាប់ជាគូ និងចាប់ដៃគ្នានៅក្នុងការសម្ដែងភាពយន្ដប៉ុណ្ណោះ ថែមទាំង​ជា​គូស្នេហ៍ដ៏គំរូមួយទៀតផង។ អ្នកទាំង២ បានសម្ដែងរឿងរួមគ្នាចំនួន ២ គឹ Chai Mai Jing Ying Tae និង Nang Sao Mai Jam Kad Nam Sakul។

៥. Dome Pakornlam ជាតារាកូនកាត់ថៃ អាឡឺម៉ង់ម្នាក់នេះ ក៏បានសហការថតជាតួឯកជាមួយ Mai Davika នៅក្នុងរឿងមួយគឺ Tawan Tor Saeng នៅក្នុងឆ្នាំ ២០១២ ផងដែរ។

៦. New Chaiyapol សម្ដែងជាតួឯកជាមួយ Mai នៅក្នុងរឿង Plae Kao នៅក្នុងឆ្នាំ ២០១៤។

៧. Kan Kantathavorn បានសម្ដែងរឿង ២ ជាមួយគ្នាគឺរឿង Kularb Rai Kong Naai Tawan និង Nang Chada។

៨. Win Tawin បានចាប់ដៃសហការជាមួយនឹង Mai Davika នៅក្នុងការសម្ដែងរឿងមួយមានចំណងជើងថា Dok Kaew ដែលបានចាក់បញ្ចាំងតាំងពីឆ្នាំ ២០១១​មកម្ល៉េះ។

៩. New Wongsakorn ជាតារាជួរមុខមួយនៅក្នុងស្ថានីយ៍បុស្ដិ៍លេខ ៧ របស់ថៃ និងមានភាពល្បីល្បាញយ៉ាងខ្លាំងនៅកំលុងពេលប្រមាណ ១០ ឆ្នាំ មុននោះ ក៏បានសហការសម្ដែងជាតួឯកជាមួយនឹង Mai Davika នៅក្នុងរឿងមួយមានចំណងជើងថា Maya Rasamee នៅក្នុងឆ្នាំ ២០១២។

១០. Off Chanapol បានធ្វើការរួមគ្នាជាមួយនឹង Mai តាំងពីឆ្នាំ ២០១១​មក ម្ល៉េះ ពោលគឺ ១០ ឆ្នាំ មកហើយ។ កាលនោះ អ្នកទាំងពីរបានថតរឿងមួយមានចំណងជើងថា Nuer Manoot ៕