បរទេស៖ យោងតាមសារព័ត៌មាន Le Parisien បានឲ្យដឹងថាក្រុម Paris Saint-German បានដាក់គោលដៅរបស់ខ្លួនដើម្បីទិញយកខ្សែប្រយុទ្ធសញ្ជាតិហូឡង់ដែលលេងឲ្យក្លិបបាល់ទាត់ Lyon កីឡាករ Memphis Depay។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតកីឡាកររបស់ក្រុមបិសាចក្រហម Manchester United រូបនេះនឹងបញ្ចប់កុងត្រាជាមួយក្លិបបាល់ទាត់ Lyon នាខែមិថុនា ឆ្នាំ២០២១ នេះហើយដោយរូបគេអាចមានសិទ្ធិទៅលេងឲ្យក្រុមផ្សេងទៀតដោយគ្មានតម្លៃខ្លួន។
យ៉ាងណាមិញ ក្រុមអ្នកមានបុណ្យ FC Barcelona ក៏បង្ហាញការចាប់អារម្មណ៍ទៅលើខ្សែប្រយុទ្ធវ័យ ២៧ឆ្នាំរូបនេះដែរ ប៉ុន្តែពេលនេះក្លិប Paris Saint-German នឹងចូលរួមប្រជែងដើម្បីអូសទាញកីឡាកររូបនេះមកចូលរួមជាមួយខ្លួនផងដែរ៕